قارماي شەھىرىدىكى ئامەتلىك بوۋاي 31 مىڭ 200 يۈەن مۇكاپاتقا ئېرىشتى

2020- يىلى 9- ئاينىڭ 8- كۈنى، قاراماي شەھىرىدىكى لاتارىيەچى ۋاڭ بوۋاي قاراماي شەھەرلىك پاراۋانلىق لاتارىيەسى مەركىزىگە بېرىپ مۇكاپاتنى نەقلەشتۈردى، ئۇ 3D ئۇيۇنى 2020202-قاراردا 31 مىڭ 200 يۈەن مۇكاپات پۇلىغا ئېرىشتى.

ۋاڭ بوۋاي پېنسىيەگە چىققان ئىشچى، شۇنداقلا پاراۋانلىق لاتارىيەسىنىڭ سادىق لاتارىيەچىسى. ۋاڭ بوۋاي لاتارىيە بېلىتى سېتىۋالغاندا ئەزەلدىن نومۇرنى تەتقىق قىلمايدۇ، نومۇرنىمۇ ھېسابلىمايدۇ، ھەر بىر قېتىمدا كومپيۇتېردا تاللاپ دو تىكىدۇ، ئۇ« مۇكاپاتقا ئېرىشىش ياخشى ئىش، مۇكاپات چىقىمىسا تۆھپە قوشقانلىق بولىدۇ» دەك ئاق كۆڭۈل روھىي ھالىتىدە ئىزچىل تۈردە لاتارىيە سېتىۋېلىشتا چىڭ تۇردى. مۇكاپات ئېچىلغان شۇ كۈنى كەچتە مۇكاپاتقا ئېرىشكەنلىكىدىن خەۋەر تاپقان ۋاڭ بوۋاي ناھايىتى خۇشال بولدى، بۇنىڭغا سېلىشتۇرغاندا سېنىش پونكىتىدىكى لاتارىيەچىلەر تېخىمۇ ھاياجانلاندى، خۇددى ئۆزلىرى مۇكاپاتقا ئېرىشكەندىنمۇ بەكرەك خۇشال بولغاندەك قىلاتتى، بىر لاتارىيەچى چاقچاق قىلىپ: « ـــ تاغا، مۇكاپاتقا ئېرىشكەنلىكىڭىزنى تەبرىكلەيمەن، خۇشالراق بولۇڭ، بىز سىز ئۈچۈن خۇشال بولدۇق»-دېدى.

مۇكاپاتقا ئېرىشىش جەريانىنى تىلغا ئالغاندا، ۋاڭ بوۋاي مۇنداق دېدى: « مەن بۇ مۇكاپاتنى قولدىن بېرىپ قويغىلى تاس قالدىم،9-ئاينىڭ 7- كۈنى كەچتە ئىشىم چىقىپ قېلىپ كېچىكىپ قالدىم، لاتارىيە بېلىتى سېتىش پونكىتىغا بارغاندا شۇ كۈنلىك لاتارىيە سېتىش ۋاقىتى تۈشۇپ قالاي دېگەن ئىدى، مەن دەرھال مال ساتقۇچىغا بىر نومۇر تاللاتقۇزۇپ، 30 ھەسسە دو تىككۈزدۈم، دو تىكىپ بولغاندىن كېيىن پەرۋا قىلماي، تونۇش دوستلار بىلەن پاراڭلىشىپ، مۇكاپات ئېچىلىشنى كۈتتۈم. » دېدى.

مۇكاپاتنى نەقلەشتۈرگەندە، ۋاڭ بوۋاي خىزمەتچى خادىملارغا مۇنداق دېدى: « مۇكاپات چىققانلىقىنى بىلگەندىن كېيىن، پونكىت قاينام-تاشقىنلىققا چۆمىدى، پونكىتتا بىر قانچە ئادەم مۇكاپاتقا ئېرىشكەن ئىدى لېكىن مەن ئەڭ كۆپ مۇكاپاتقا ئېرىشتىم. مەن بەك خۇشال بولمىدىم، نېمىلا دېگەن بىلەن ياشىنىپ قالدىم، يەنىلا تەمكىن بولسام ياخشى.» دېدى.

پاراۋانلىق لاتارىيەسى مەركىزىدە مۇكاپات ئالغاندىن كېيىن، قولىدىكى نەق پۇل چېكىنى كۆرۈپ، تەمكىنلىك بىلەن تۇرغان ۋاڭ بوۋاينىڭ چېھرىدە تەبەسسۇم جىلۋىلەندى، ئۇ ھاياجانلانغان ھالدا مۇنداق دېدى: « بۇ مۇكاپات سوممىسى ئاز ئەمەس، ساقلاپ قويۇپ ئاستا ـ ئاستا ئىشلىتىمىز. »-دېدى، يەنە خىزمەتچىلەرگە مۇنداق دېدى، پاراۋانلىق لاتارىيەسىنىڭ جامائەت پاراۋانلىقى ئىش-ئىزلىرى كىشىلەر قەلبىدىن چوڭقۇر ئورۇن ئالدى، نۇرغۇن كىشىلەر پاراۋانلىق ئىشلىرى ئۈچۈن ئۆزىنىڭ بىر كىشىلىك ھەسسىسىنى قوشۇشنى خالايدۇ.