«3D ئۇيۇنى مەستانىسى» فۇ ئەپەندى 936 مىڭ يۈەن مۇكاپاتقا ئېرىشتى

پاراۋانلىق لاتارىيەسى 3D ئويۇنىنىڭ كىشىلەر قەلبىدىن چوڭقۇر ئورۇن ئېلىشىغا ئەگىشىپ، بۇ نۇرغۇن 3D ئۇيۇنى« ماھىرى» نى بارلىققا كەلتۈردى، ئۇلار كامالەتكە يەتكەن نومۇر تاللاش ماھارىتىگە تايىنىپ ۋە ھەسسىلەپ دو تىكىپ، كىشىنى زوقلاندۇرىدىغان مۇكاپاتلارنى ئارقا-ئارقىدىن ئېلىپ، ئاپتونوم رايونىمىزنىڭ لاتارىيە بازىرىغا نۇرغۇن خۇشاللىق ۋە رەڭدارلىق ئاتا قىلدى.

7 ـ ئاينىڭ 24 ـ كۈنى، 3D ئويۇنى 2020157ـ قارارلىق مۇكاپات نومۇرى «200» نىڭ بارلىققا كېلىشىگە ئەگىشىپ، كورلا شەھىرىنىڭ 65285501 پاراۋانلىق لاتارىيە سېتىش پونكىتىدا كۈلكە ئاۋازى ياڭرىدى، بۇ پونكىتتىن 900 دو 3D ئويۇن يەككە تاللاش مۇكاپاتى چىققان ئىدى، مۇكاپات سوممىسى 936 مىڭ يۈەن بولدى.

بەختكە يارىشا مۇكاپاتقا ئېرىشكۈچى« 3D ئۇيۇنى مەستانىسى» فۇ ئەپەندى بولۇپ، ئۇنىڭ ئىشتىن سىرتقى ۋاقىتلىرىدىكى ئەڭ چوڭ قىزىقىشى پاراۋانلىق لاتارىيە سېتىش پونكىتىدا ئولتۇرۇپ لاتارىيەچى دوستلار بىلەن ئەركىن-ئازادە پاراڭلىشىپ، پىكىر ئالماشتۇرۇش ۋە تەپەككۇرنى كېڭەيتىشتىن ئىبارەت ئىدى. فۇ ئەپەندى يەككە تاللاش ھەسسىلەپ دو تىكىش ئۇسۇلى ئارقىلىق لاتارىيە سېتىۋېلىشقا ماھىر بولۇپ، ئۇنىڭ قارىشىچە بۇنداق ئېرىشكەن مۇكاپات پۇلىمۇ ناھايىتى مول بولىدىكەن.

شۇ كۈنى، فۇ ئەپەندى نومۇرنىڭ يۆنىلىش خەرىتىسىنى تەپسىلىي كۆزەتكەندىن كېيىن، نومۇر« 200» گە بەش دو 90 ھەسسە يەككە تاللاپ دو تىكتى. لاتارىيە بېلىتىنى ئېلىپ بىردەم سەپسالغاندىن كېيىن، فۇ ئەپەندى ئۆز-ئۆزىگە: «بۇ نومۇرنى كۆرگەنسېرى مۇكاپات چىقىدىغاندەك ھېس قىلىمەن! بولمايدۇ، مەن نەچچە ھەسسە ئارتۇق دو تېكىشىم كېرەك! »-دەپ ئويلىدى، دەرۋەقە ئۇ يەنە نومۇرى« 200» گە بەش دو 90 ھەسسە دو تىكتى. 3D ئويۇنىنىڭ 2020157-قارارلىق مۇكاپات نومۇرى« 200» بۇلۇپ ئېلان قىلىندى، فۇ ئەپەندى ھەقىقەتەن شۇ كۈندىكى 3D ئويۇنىنىڭ يەڭگۈچىسىگە ئايلاندى!

مۇكاپاتقا ئېرىشكەنلىكىدىن خەۋەر تاپقان كونا لاتارىيەچى دوستلارمۇ فۇ ئەپەندىنىڭ تەلىيى كەلدى دەپ ماختاشتى، ئۇ قىزىقچىلىق قىلىپ مۇنداق دېدى: « لاتارىيە سېتىۋالغاندا روھىي ھالەت بولۇشى كېرەك، مۇكاپاتقا ئېرىشىش ۋە ئېرىشەلمەسلىكنىڭ ھەممىسى تەقدىر-پىشانە، بولمىسا لاتارىيە سېتىۋېلىش بىر يۈك بولۇپ قالىدۇ! كۆڭلىدە پۈتۈنلەي تەييارلىق بولمىغان ئەھۋال ئاستىدا، بۇنچە كۆپ مۇكاپاتقا ئېرىشسەك قانداقمۇ خۇشال بولمايمىز! » دېدى.