ئۈرۈمچىدىكى ئالتە مەكتەپ ئاپتونوم رايون بويىچە ياشلار، ئۆسمۈرلەر پەن-تېخنىكا پائالىيىتىدىكى ئۈلگىلىك

شىنجاڭ تورى خەۋىرى(مۇخبىر لياڭ لې): يېقىندا، ئاپتونوم رايونلۇق پەن-تېخنىكا جەمئىيىتى ئاپتونوم رايون بويىچە تۇنجى تۈركۈمدىكى ياشلار، ئۆسمۈرلەر پەن-تېخنىكا پائالىيىتىدىكى ئۈلگىلىك مەكتەپلەرنىڭ تىزىملىكىنى ئېلان قىلدى، ئۈرۈمچىدىكى ئالتە مەكتەپ بۇنىڭغا تاللاندى، ئۇلارغا بەلگىلىك پەن-تېخنىكا پائالىيىتى ياردەم پۇلى بېرىلىدۇ.

　　مۇخبىرنىڭ ئاپتونوم رايونلۇق پەن-تېخنىكا جەمئىيىتىدىن ئىگىلىشىچە، بۇ قېتىم ئۈرۈمچىدىن تاللانغان ئالتە مەكتەپ ئايرىم-ئايرىم ھالدا شەھەرلىك 68-ئوتتۇرا مەكتەپ، شەھەرلىك 80-ئوتتۇرا مەكتەپ، شىنجاڭ مائارىپ شۆيۈەنى تەجرىبە باشلانغۇچ مەكتىپى، شەھەرلىك 1-ئوتتۇرا مەكتەپ، شەھەرلىك 121-باشلانغۇچ مەكتەپ ۋە شەھەرلىك 8-ئوتتۇرا مەكتەپ ئىكەن.

　　ئىگىلىنىشىچە، بۇ يىل 6-ئايدا ئاپتونوم رايونلۇق پەن-تېخنىكا جەمئىيىتى، مائارىپ نازارىتى 6-تۈركۈمدىكى شىنجاڭ بويىچە ياشلار، ئۆسمۈرلەر پەن-تېخنىكا پائالىيىتىدە خاس مەكتەپلەرنى باھالاش، نام بېرىش ۋە تۇنجى تۈركۈمدىكى پەن-تېخنىكا پائالىيىتىدىكى ئۈلگىلىك مەكتەپلەرنى كۆرسىتىش خىزمىتىنى باشلىغان. دائىملاشقان يۇقۇمنىڭ ئالدىنى ئېلىش-تىزگىنلەش تەدبىرلىرىنى ياخشى ئەمەلىيلەشتۈرۈش ئالدىنقى شەرتى ئاستىدا، ئاپتونوم رايونلۇق باھالاش خىزمىتى ئىشخانىسى توردا ئىلتىماس قىلىش ۋە باھالاش تەرتىپىنى بىر تۇتاش قوللىنىپ، پەن-تېخنىكا، مائارىپ قاتارلىق ساھەلەردىكى مۇتەخەسسىسلەرنى تەشكىللەپ، «ئاپتونوم رايون بويىچە ياشلار، ئۆسمۈرلەر پەن-تېخنىكا پائالىيىتىدىكى خاس مەكتەپلەرنى باھالاش ئۆلچىمى» ۋە «ئاپتونوم رايون بويىچە ياشلار، ئۆسمۈرلەر پەن-تېخنىكىسىدا خاس ئۈلگىلىك مەكتەپلەرنى كۆرسىتىش ئۆلچىمى»گە قاتتىق ئەمەل قىلىپ، ھەر قايسى ۋىلايەت، ئوبلاست، شەھەرلەر كۆرسەتكەن مەكتەپلەرنى توردا باھالىغان. ئاخىرىدا 36 ئوتتۇرا-باشلانغۇچ مەكتەپ ئاپتونوم رايون بويىچە 6-تۈركۈمدىكى ياشلار، ئۆسمۈرلەر پەن-تېخنىكا پائالىيىتىدىكى خاس مەكتەپ، پەن-تېخنىكا پائالىيىتىدىكى 25 خاس مەكتەپ ئاپتونوم رايون بويىچە تۇنجى تۈركۈمدىكى ياشلار، ئۆسمۈرلەر پەن-تېخنىكا پائالىيىتىدىكى ئۈلگىلىك مەكتەپ قىلىپ بېكىتىلگەن.

    ئاپتونوم رايون بويىچە تۇنجى تۈركۈمدىكى ياشلار، ئۆسمۈرلەر پەن-تېخنىكا پائالىيىتىدىكى ئۈلگىلىك مەكتەپ نامىغا ئېرىشكەن مەكتەپلەرگە بەلگىلىك پەن-تېخنىكا پائالىيىتى ياردەم پۇلى بېرىلىدۇ. بۇنىڭدىن كېيىنكى قۇرۇلۇش ئۆلچىمىگە ئاساسەن، پەن-تېخنىكا پائالىيىتىنىڭ مەزمۇنى ۋە شەكلىدە ئۈزلۈكسىز يېڭىلىق يارىتىلىپ، ياشلار، ئۆسمۈرلەرنىڭ پەن-تېخنىكىدا يېڭىلىق يارىتىش ئەمەلىيەتتىن ئۆتكۈزۈش ئىقتىدارى پائال يېتىلدۈرۈلىدۇ، ياشلار، ئۆسمۈرلەر پەن-تېخنىكا پائالىيىتىدىكى خاس مەكتەپلەرنىڭ ئۈلگە كۆرسىتىش، تەسىر كۆرسىتىش ۋە يېتەكلەش رولى ياخشى جارى قىلدۇرۇلۇپ، يۇقۇمنىڭ ئالدىنى ئېلىش-تىزگىنلەشنى دائىملاشتۇرۇشقا، پەن-تېخنىكا پائالىيىتىنىڭ نورمال، تەرتىپلىك قانات يايدۇرۇلۇشىغا كاپالەتلىك قىلىنىدۇ، ئەلا سۈپەتلىك پەن-تېخنىكا مائارىپ بايلىقى بەرپا قىلىنىپ، ئاپتونوم رايون بويىچە ياشلار، ئۆسمۈرلەر پەن-تېخنىكا پائالىيىتىدىكى خاس مەكتەپ بەرپا قىلىش خىزمىتىنىڭ چوڭقۇر قانات يايدۇرۇلۇشىغا تۈرتكە بولۇنۇپ، ياشلار، ئۆسمۈرلەرنىڭ ئىلىم-پەن ساپاسىنى ئۆستۈرۈشكە تۆھپە قوشۇلىدۇ.