6-نۆۋەتلىك غەربىي رايون ئەدەبىياتى مۇكاپاتى شىنجاڭ قابادا تارقىتىلدى، توققۇز پارچە ئەسەر مۇكاپاتلاند发表时间：2020-09-28 17:39来源：تىيانشان تورى تىيانشان تورى خەۋىرى(مۇخبىر گو لىڭ): 9-ئاينىڭ 26-كۈنى چۈشتىن ئىلگىرى، «قابا لوڭقىسى» 6-نۆۋەتلىك غەربىي رايون ئەدەبىياتى مۇكاپاتىنى تارقىتىش مۇراسىمى ئالتاي ۋىلايىتى قابا ناھىيەسىدە ئۆتكۈزۈلدى، توققۇز يازغۇچى مۇكاپاتلاندى.
مۇكاپاتلاش مۇراسىمى(ماتېرىيال سۈرەت). «غەربىي رايون ئەدەبىياتى مۇكاپاتى» 2009-يىلى بارلىققا كەلگەن، شىنجاڭدا تەسىس قىلىنغان تۇنجى مەملىكەت خاراكتېرلىك ئەدەبىيات مۇكاپاتى بولۇپ، ھەر ئىككى يىلدا بىر نۆۋەت ئۆتكۈزۈلىدۇ. 6-نۆۋەتلىك غەربىي رايون ئەدەبىياتى مۇكاپاتىغا شىنجاڭ ئىچى-سىرتىدىكى توققۇز يازغۇچىنىڭ توققۇز پارچە ئەسىرى ئايرىم-ئايرىم ھالدا ھېكايە مۇكاپاتى، شېئىرىيەت مۇكاپاتى، نەسىر مۇكاپاتى، ئوبزور مۇكاپاتى، چەت ئەل ئەدەبىياتى تەرجىمە مۇكاپاتى، 90-يىللاردىن كېيىن تۇغۇلغان ياش نوتا مۇكاپاتى بويىچە مۇكاپاتلاندى، مۇكاپاتلانغان ئەسەرلەر «غەربىي رايون» ژۇرنىلىنىڭ 2018-يىلىدىن 2019-يىلىغىچە بولغان سانلىرىدا ئېلان قىلىنغان ئەسەرلەردىن تاللاندى. مۇخبىرنىڭ ئىگىلىشىچە، تۇنجى نۆۋەتلىكتىن 5-نۆۋەتلىككىچە بولغان غەربىي رايون ئەدەبىياتى مۇكاپاتىنى تارقىتىش مۇراسىمى ئايرىم-ئايرىم ھالدا قەشقەر شەھىرى(2009-يىلى)، غۇلجا شەھىرى (2012-يىلى)، تېكەس ناھىيەسى(2014-يىلى)، قاناس(2016-يىلى)، كۆكتوقاي(2018-يىلى)دا مۇۋەپپەقىيەتلىك ئۆتكۈزۈلگەن. بەش نۆۋەت ئۆتكۈزۈلۈش ئارقىلىق، «غەربىي رايون ئەدەبىياتى مۇكاپاتى» مەملىكەت بويىچە تونۇلغان ۋە شان-شۆھرەتكە ئىگە سۈپەتلىك ماركىلىق ئەدەبىيات مۇكاپاتىغا ئايلانغان. |
