ئۈرۈمچى شەھىرى 500 مىڭ تەشتەك گۈلدىن يېڭىچە گۈل مەنزىرىلىرىنى بارلىققا كەلتۈردى

　ئۈرۈمچى شەھىرىنىڭ تيانشان رايونى «دۆلەت بايرىمى» نى كۈتۈۋېلىش ئۈچۈن، گۇرۇپپا- گۇرۇپپا مەنىسى روشەن، شەكلى ھەر خىل گۈل تەشتىكى توپلىرىنى ياساپ چىقىپ، خۇشال- خۇرام، ئىناق بايرام كەيپىياتى يارىتىپ، شەھەرنىڭ كوچا مەنزىرىسىگە باشقىچە يېڭى ھۆسىن قوشتى.

　 بۇ قېتىم يېڭىدىن كۆپەيتىلگەن گۈل مەنزىرىسى ئاساسلىقى ساغلاملىق يولى، يەنئەن يولى، شەرقىي ئارقا كوچا، جيەنگو يولى ۋە ياشلار يولى قاتارلىق بەلگە خاراكتېرلىك كوچا ئېغىزلىرىغا ئورۇنلاشتۇرۇلدى. بۇ، بەش گۇرۇپپا چوڭ تىپتىكى شەكل چىقىرىلغان گۈل تەشتىكى توپى ۋە نۇرغۇن كىچىك تىپتىكى شەكىل چىقىرىلغان گۈل تەشتىكى توپىنى ئۆز ئىچىگە ئالىدۇ.

　 ساغلاملىق يولى بىلەن دېموكراتىيە يولى كېسىشكەن يول ئېغىزىدىكى بىر گۇرۇپپا شەكىل چىقىرىلغان گۈل تەشتىكى توپى كېلىپ- كېتىۋاتقان پىيادىلەرنى ئالاھىدە جەلپ قىلدى. بۇ بىر گۇرۇپپا گۈل توپى ئون نەچچە خىل گۈل سورتى، تەخمىنەن 15 مىڭ تەشتەك چوڭ- كىچىك گۈل- گىياھتىن ياسالغان بولۇپ، جۇڭخۇا ئەنئەنىۋى مەدەنىيەت ئامىللىرى بىلەن تەبىئىي تاغ مەنزىرىسىنى ئەپچىللىك بىلەن بىرلەشتۈرگەن.

　 خەلق مەيدانىغا نەزەر سالىدىغان بولساق، يېشىل رەڭ ئاساس قىلىنىپ شەكىل چىقىرىلغان گۈل تەشتىكى توپى ئۈستىگە قىزىل رەڭدە «ھەل قىلغۇچ جەڭدە غەلىبە قىلىپ، نامراتلىقتىن قۇتۇلدۇرۇش ئۆتكىلىگە ھۇجۇم قىلايلى» دېگەن خەت شەكلى چىقىرىلغان، يەنە ھەر مىللەت ئاھالىسىنىڭ قول تۇتۇشۇپ بىرلىكتە ئالغا قاراپ ماڭغان كۆرۈنۈشى ھاسىل قىلىنغان ئىدى.

　چوڭ تىپتىكى شەكىل چىقىرىلغان گۈل تەشتىكى توپىدىن باشقا، يەنە شەھەر يوللىرىغا ۋە يوللارنىڭ ئىككى قاسنىقى، كوچا بويىدىكى يېشىللىقلارغا يېشىل ئۆسۈملۈكلەر تىزىلىپ، مىكرو مەنزىرە ھاسىل قىلىندى.