شىنجاڭ كۆپ خىل ياردەم تولۇقلىمىسى ئارقىلىق ئائىلە ئېلېكتىر سايمانلىرى ئىستېمالىنى ئىلگىرى سۈردى

　شىنخۇا ئاگېنتلىقى، ئۈرۈمچى، 9-ئاينىڭ 29-كۈنى تېلېگراممىسى: «ئۆكتەبىر بايرىمى» يېتىپ كېلىش ئالدىدا، ئائىلە ئېلېكتىر سايمانلىرى ئىستېمالىنى ئۈنۈملۈك ئىلگىرى سۈرۈپ، بازارنىڭ ھاياتى كۈچىنى ئۇرغۇتۇش ئۈچۈن، ئىستېمال توشسا كېمەيتىش ياردەم تولۇقلىمىسى، ئائىلە ئېلېكتىر سايمانلىرىنى يېڭىسىغا ئالماشتۇرۇش ياردەم تولۇقلىمىسى، ئائىلە ئېلېكتىر سايمانلىرىنى يېزىلارغا يەتكۈزۈش ياردەم تولۇقلىمىسى قاتارلىق كۆپ خىل ياردەم تولۇقلىمىسى شەكلى شىنجاڭدا بىرلا ۋاقىتتا يولغا قويۇلۇپ، ئائىلە ئېلېكتىر سايمانلىرى تاۋارلىرى ساھەسىنىڭ ئىستېمالىغا تۈرتكە بولغان.

　　مۇخبىرنىڭ شىنجاڭ ئۇيغۇر ئاپتونوم رايونلۇق سودا نازارىتىدىن ئىگىلىشىچە، شىنجاڭ سۇنىڭ يىگوۋ بىلەن بىرلىكتە 60 مىليون يۈەنلىك ئائىلە ئېلېكتىر سايمانلىرى ئىستېمال توشسا كېمەيتىش ياردەم تولۇقلىمىسى، 30 مىليون يۈەنلىك يېشىل ئېنېرگىيەلىك ئائىلە ئېلېكتىر سايمانلىرىنى يېڭىسىغا ئالماشتۇرۇش ياردەم تولۇقلىمىسى، 20 مىليون يۈەنلىك ئائىلە ئېلېكتىر سايمانلىرىنى يېزىلارغا يەتكۈزۈش يادەم تولۇقلىمىسى يۈرۈشلۈك پائالىيەتلىرىنى قانات يايدۇرۇپ، ئىستېمالچىلارنىڭ يېڭى ئائىلە ئېلېكتىر سايمانلىرىنى سېتىۋېلىشى، كونا ئېلېكتىر سايمانلىرىنى يىغىۋېلىشىغا ياردەم تولۇقلىمىسى بەرگەن، شۇنىڭ بىلەن بىللە يەنە توشسا كېمەيتىش ۋە توشسا سوۋغات بېرىش پائالىيىتى بار ئىكەن.

　　شىنجاڭ سۇنىڭ يىگوۋنىڭ باش دىرېكتورى خەن لېينىڭ تونۇشتۇرۇشىچە، يېزىلارنىڭ ئائىلە ئېلېكتىر سايمانلىرى ئىستېمالىغا كۈچ قوشۇش ئۈچۈن، سۇنىڭ جەنۇبىي شىنجاڭدىكى نۇقتىلىق ۋىلايەت، ئوبلاستلاردا «ئائىلە ئېلېكتىر سايمانلىرىنى يېزىلارغا يەتكۈزۈش»نى نۇقتىدا سىناق قىلىپ ئالغا سىلجىتىپ، ھاۋا ئالماشتۇرغۇچ، تېلېۋىزۇر ۋە ئاشخانا، تازىلىق ئۆيى، كىچىك ئائىلە ئېلېكتىر سايمانلىرى، يان تېلېفون قاتارلىق تاۋارلارغا ياردەم تولۇقلىمىسىنى قانات يايدۇرىدىكەن، يەككە تاۋارنىڭ ئوتتۇرىچە ياردەم تولۇقلىمىسى %8تىن %10كىچە بولىدىكەن.

　　تونۇشتۇرۇلۇشىچە، 9-ئاينىڭ ئاخىرىدىن 12-ئاينىڭ ئاخىرىغىچە، پۈتۈن شىنجاڭدا دىققەت يېمەك-ئىچمەك، ئاپتوموبىل، ئائىلە ئېلېكتىر سايمانلىرى، تۈرلۈك ماللار، پارچە سېتىش، نېفىت مەھسۇلاتلىرى، سۈپەتلىك ماركىلىق يەرلىك مەھسۇلاتلار قاتارلىق ئىستېمال ساھەسىگە مەركەزلەشتۈرۈلۈپ، توردا ۋە تور سىرتى چوڭقۇر يۇغۇرۇلۇپ، تاۋارنى، مۇلازىمەتنى ماس قەدەمدە سېتىشنى تېزلىتىش، يەرلىك تاۋار داڭلىق كارخانىلىرى بىرلىكتە كۈچ چىقىرىش، سودا-ساياھەت، مەدەنىيەت-ساياھەت، مال سېتىۋېلىش، كۆڭۈل ئېچىش بىر گەۋدە قىلىنغان «1 + N» يۈرۈشلۈك ئىستېمالنى ئىلگىرى سۈرۈش پائالىيەتلىرى ئۆتكۈزۈلۈپ، ئسىتېمال بازىرى كۆپ نۇقتىدىن قوزغىتىلىپ، ئىستېمالدىكى يېتەرسىزلىكلەر تولۇقلىنىپ، ئىستېمال يېڭى سۇپىسى بەرپا قىلىنىدىكەن.