شىنخۇا تورى خەۋىرى: جۇڭگو تۆمۈريول 8-ئىدارىسى 3-شىركىتى قۇرۇلۇشقا مەسئۇل بولغان شەنتۇ-جيېشى يۇقىرى سۈرئەتلىك تاشيولىدا يىل ئاخىرىدىن بۇرۇن پۈتۈن لىنىيە بويىچە قاتناش باشلىنىدۇ. ئومۇمىي ئۇزۇنلۇقى 86.5 كىلومېتىر كېلىدىغان شەنتۇ-جيېشى يۇقىرى سۈرئەتلىك تاشيولى گۇاڭدۇڭ ئۆلكىسى پىلانلىغان «توغرىسىغا توققۇز، ئۇزۇنسىغا بەش، ئىككى ئايلانما» يۇقىرى سۈرئەتلىك تاشيول تورىدىن شەرقتىن غەربكە توغرىسىغا كېسىپ ئۆتكەن شەنتۇ-جەنجياڭ يۇقىرى سۈرئەتلىك تاشيولىنىڭ شەرقىي بۆلىكىگە جايلاشقان، بۇ يولنى نۆۋەتتىكى شېنجېن-شەنتۇ يۇقىرى سۈرئەتلىك يولىغا سېلىشتۇرغاندا مۇساپىسى قىسقا بولۇپ، گۇاڭدۇڭ ئۆلكىسىنىڭ شەرقىدىكى رايونلار بىلەن گۇاڭدۇڭ، شياڭگاڭ، ئاۋمىندىن ئىبارەت چوڭ قولتۇق رايونىنىڭ ئارىلىقىنى يەنىمۇ قىسقارتىپ، شەرقىي گۇاڭدۇڭ ۋە چوڭ قولتۇق رايونىنىڭ ئىقتىسادىي ئالاقىسىنى كۈچەيتىشتە مۇھىم رول ئوينايدۇ.
شىنخۇا ئاگېنتلىقى مۇخبىرى ليۇ داۋېي فوتوسى
