• مۇسكۇللۇق بەدەنگە ئېرىشىش ئۈچۈن بېرىلىدىغان 20 تەكلىپ

  • يوللىغۇچى : دىلارە
  • ئىنكاسلار :
  • يوللانغان ۋاقتى : : 2018-05-11 11:09
  • مۇسكۇللۇق بەدەنگە ئېرىشىش ئۈچۈن بېرىلىدىغان 20 تەكلىپ

    يېقىندا چەتئەلدىكى بىر بەدەن چېنىقتۇرۇش تىرېنېرى مۇنداق بىر قىزىقارلىق تەجرىبە ئىشلەپ باققان.

    بۇ تەجرىبىنىڭ مەزمۇنى: «ئەخلەت يېمەكلىك قانچىلىك ۋاقىتتا مۇسكۇلنى يوقىتىۋېتەلەيدۇ؟»

    بۇ تىرېنېرنىڭ چېنىقىش تەجىرىبىسى بەك مول بولۇپ، ئۆزىمۇ كېلىشكەن، ئالتە پارچە قورساق مۇسكۇلى ناھايىتى روشەن چىققان.

    ئېغىرلىقى 84 كىلوگىرام كېلىدۇ.

    تۇنجى كۈنى ئۇ 4980 كالورىيە ئىسسىقلىق ئېنىرگىيىسى بولغان يېمەكلىك يېگەن.

    بۇنىڭ ئىچىدە ھامبۇرگ بولكىسى، ياڭيۇ قەلەمچىسى، كولا ۋە باشقا ئەخلەت يېمەكلىكلەر بار.

    ئىككىنچى كۈنىمۇ ئوخشاشلا شۇنداق يېگەن، نېمىنىڭ ئسسىقلىق مىقدارى يۇقىرى بولسا شۇنى يېگەن.

    لېكىن قورساق مۇسكۇلىدا ئۆزگىرىش بولمىغان.

    ئۈچىنچى كۈنى

    ماشىنا ھەيدىگەچ دونۇت يەۋاتىدۇ.

    قورساق مۇسكۇلى يەنىلا بار، ئەمما ئەڭ باشتىكىدەك ياخشى ئەمەس.

    بەشىنچى كۈنى

    كالا قوۋۇرغىسى، پوشكال دېگەندەك نەرسىلەرنى كۆپلەپ يېگەن.

    قورساق مۇسكۇلى يەنىلا بار، ئۈچىنچى كۈنى بىلەن بەك زور پەرقى يوق. ئەمما قورساق مۇسكۇلى بەك روشەن ئەمەس.

    9-كۈنى

    12-كۈنى

    قورساق مۇسكۇلى ئاساسەن غۇۋالا بىلىنگەن، ئاساسەن كۆرگىلى بولمىغان.

    15-كۈنى

    يەنىلا ئوخشاش يۇقىرى كالورىيەلىك تاماق، پىسا، ئىچىملىك دېگەندەك

    روشەنكى، خېلىلا سەمىرىپ قالغان. 15-كۈنى ئىككى كىلو ماي يىغىلغان.

    20-كۈنى

    قورسىقى خېلىلا چىقىپ قالغان، رەسمىي سەمىرىشكە باشلىغانلىقى مەلۇم بولغان.

    24-كۈنى قورسىقى تېخىمۇ بەكرەك چىققان.

    27-كۈنى قورسىقى ئوبدانلا چىققان، مۇسكۇلىمۇ يوق بولغان.

    30-كۈنى تەجىرىبە ئاخىرلاشقان كۈن

    قورساق مۇسكۇلى پۈتۈنلەي يوقىغان، تۆت كىلو ئارتۇق ماي يىغىلغان.

    بۇ تەجرىبە ئاياغلاشقاندىن كېيىن بۇ تىرېنېر شۇنداق دېگەن: «ئىشتىھايىڭىزنى كونترول قىلمىسىڭىز بىر ئايدىلا قورساق مۇسكۇلىڭىز مۇشۇنداق يوقاپ كېتىدۇ.» ئاندىن قورسىقىنى لىغىرلىتىپ كۆرسىتىپ قويغان.

    ئەمدى ئىشتىھانى كونترول قىلىشنىڭ مۇھىملىقىنى بىلگەنسىز؟

    ئالتە پارچە قورساق مۇسكۇلىغا ئېرىشىش ئۈچۈن بەدەن ساپاسى ياخشى چېنىقىش تىرېنېرى ئىشتىھاسىنى كونترول قىلمىغانىدى، بىر ئايدىلا ھەتتا ئۇنىڭدىنمۇ قىسقا ۋاقىت ئىچىدە چىرايلىق بەدەن شەكلىنى يوقاتتى.

    «ئۈچ ئۈلۈش ھەرىكەت، يەتتە ئۈلۈش غىزا» دېگىنى راست گەپكەن.

    چېنىقىپ مۇسكۇل چىقىرىش ئارزۇسى بارلار تۆۋەندىكى 20 تۈرلۈك چېنىقىش ۋە غىزالىنىش قائىدىسىنى بىلىۋېلىڭ:

    1. مۇۋاپىق ئاقسىل يەپ بېرىڭ

    ئەگەر سىز ياخشى بەدەنگە ئېرىشمەكچى بولسىڭىز ئۇنداقتا ئاقسىل تولۇقلاپ مۇسكۇلىڭىزنى ساقلاپ قالسىڭىز بولىدۇ. مەسىلەن سىز 70 كىلوگىرام بولسىڭىز ئۇنداقتا كۈندە 70 گىرام ئاقسىلغا ئېھتىياجلىق بولسىىز. ئاقسىل تولۇقلاش ئارقىلىق ھەرىكەت ئارقىلىق خوراتقان ئېنىرگىيىنى تولۇقلىغىلى ۋە مۇسكۇل توقۇلمىسىنىڭ ئۆسۈشىگە ۋە مۇسكۇلنى ئاسراشقا پايدىلىق.

    2. ئاقسىلنى توغرا ئىستىمال قىلىش كېرەك

    مۇۋاپىق مىقداردا ئاقسىل يەپ بېرىش خالىغانچە يېيىشنى بىلدۈرمەيدۇ، توغرا يېيىش كېرەك. ئاقسىل قوبۇل قىلىش جەھەتتە ئورۇق گۆش، بېلىق، توخۇنىڭ مەيدە گۆشىنى يېسە بولىدۇ، يەنە ئاقسىل ئىچىپ بەرسىمۇ، ياغسىزلاندۇرۇلغان سۈت ۋە تۆۋەن مايلىق ئىرىمچىك يەپ بەرسىمۇ بولىدۇ.

    3. كاربون بىرىكىملىك يېمەكلىكنى توغرا يېيىش كېرەك

    كاربون بىرىكمىلىك يېمەكلىك، مەسىلەن: سۇلۇ، سۇلۇ بولكىسى، سۇلۇ تامىقى، تاتلىق ياڭيۇ دېگەندەك، بۇلار سىزنىڭ قان قەنتىڭىزنىڭ نورماللىقىنى ساقلايدۇ.

    4.  ساغلام ماي يەڭ

    ماي كەم بولسا بولمايدۇ، ساغلام مايلىق يېمەكلىكنىڭ نۇرغۇن پايدىسى بار، مەسىلەن مېڭە ۋە يۈرەك ھەرىكىتىنىڭ ياخشىلىنىشى ۋە ھورمونلارنىڭ تەڭشىلىشى ئاساسەن ماي بىلەن مۇناسىۋەتلىك، ئادەتتە بېلىق مېيى، مېغىز، خاسىڭ قىيامى قاتارلىقلارنى يەپ بەرسىمۇ بولىدۇ.

    5. مېۋە ۋە كۆكتاتلارنى كۆپرەك يەڭ

    مېۋە ۋە كۆكتاتلار تەمىنلەيدىغان ئوزۇقلۇق ماددىلارنى كۆپ دېمىسەكمۇ بولار، ئۇنىڭدىكى تالا، ۋىتامىن، مېنىرال ماددىلار ۋە تەبئىي قەنتنىڭ ئادەم بەدىنىگە بولغان پايدىسى ھەقىقەتەن كۆپ. كۆكتاتنىڭ ئىمكانقەدەر يېشىل يوپۇرماقلىقىنى يېگەن ياخشى، مەسىلەن: كاللەكبەسەي، يېشىل پۇرچاق، يېشىل ماش دېگەندەك. مېۋىدىن بانان، ئالما، ئاپېلسىن ۋە مالىنالارنى تاللاپ يېسە بولىدۇ.

    6. تالالىق يېمەكلىكنى كۆپرەك يەڭ

    يۇقىرى تالالىق يېمەكلىكلەر قان قەنتىنى مۇقىملاشتۇرىدۇ. بۇنداق يېمەكلىكلەر بەك كۆپ، مەسىلەن: قاتتىق پوستلۇق يېمەكلىكلەر، ھەر خىل زەمبۇرغ تۈرى، كاللەكبەسەي، كاۋا دېگەندەك.

    7. بەك كۆپ يەۋەتمەڭ

    باشتا نېمىلەرنى قىلىدىغانلىقىڭىزنى دەپ ئۆتتۇق، ئەمدى نېمىلەرنى قىلماسلىقىڭىزنى ئېيتىمىز. مۇۋاپىق يەڭ، بىر كۈنلۈك ئېھتىياجىڭىز ۋە مەشىقىڭىز ئۈچۈن يېتەرلىك بولسا بولدى، بەك كۆپ يەۋەتسىڭىز...ئىشقىلىپ ياخشى بولمايدىغانلىقىنى بىلىسىزغۇ؟

    8. كۆپرەك يەڭ

    نېمانداق ئۆزىڭىز قىلغان گەپنى ئۆزىڭىز ئىنكار قىلىسىز دەمسىز؟ بۇ يەردە دېمەكچى بولغىنىمىز، مۇسكۇل چىقارغۇچىلار ئۈچۈن، ئېغىرلىقىنى چۈشۈرمەكچى بولغانلار ئۈچۈن ئەمەس. يەنى بەدىنىڭىزنىڭ تېخىمۇ تولغان مۇسكۇللۇق بولۇشى ئۈچۈن ساغلام يېمەكلىكتىن يېتەرلىك يەڭ دېمەكچى.

    9. كالورىيەنىڭ نىسبىتىنى تۆۋەنلىتىڭ

    بىر كۈندە 200-400 گىچە بولغان كالورىيەنى ئازلىتىڭ، بۇنداق بولغاندا بەدىنىڭىزدىكى مايلارنىڭ كۆيۈشىگە پايدىلىق. قورساقنى سەل ئاچراق قويۇپ بەدىنىڭىزدىكى ماي توقۇلمىلىرىنى بەدەننىڭ كونتروللۇقىغا قويۇپ بېرىڭ.

    10. ئاقسىللىق ناشتىلىق يەڭ

    ناشىتلىق سىزنىڭ كۈندىلىك قوبۇل قىلىدىغان ئاقسىلىڭىزغا كاپالەتلىك قىلىدۇ. مەسىلەن: تۇخۇم ناشتىلىقى. تەتقىقاتلاردا كۆرسىتىلىشىچە، ئەتىگەندە تۇخۇمدا ناشىتىلىق يېسىڭىز قان قەنتىنى تۇراقلاشتۇرۇپ، بىر كۈنلۈك ماددا ئالمىشىشقا پايدىسى بار.

    11. بىرىكمە كاربونلۇق ناشتىلىق

    ناشتىدا بىرىكمە كاربونلۇق ۋە ئاقسىللىق يېمەكلىك يەپ بەرگەن ياخشى، ئەڭ ياخشىسى بىرىكمە كاربونلۇق يېمەكلىك مەسىلەن: سۇلۇ بولكىسى، سۇلۇ ياپراقچىسى قاتارلىقلارنى يەپ بەرسە ئەڭ ياخشى، قان قەنتى تۇراقلىشىدۇ.

    12. مەشىقتىن بۇرۇن كاربون بىرىكمىلىك يېمەكلىك يەڭ

    چېنىقىش زالىغا كىرىشتىن بىر سائەت بۇرۇن مۇرەككەپ كاربون بىرىكمىلىك يېمەكلىك يەڭ، مەشىق جەريانىدا ئۆزىڭىزنى يېتەرلىك كۈچ ۋە ئېنىرگىيە بىلەن تەمىنلەڭ.

    13. مەشىقتىن بۇرۇن ئاقسىل تولۇقلاڭ

    مەشىقتىن بۇرۇن 20-30 گىرام ئاقسىل تولۇقلىسىڭىز مۇسكۇل ۋە قانغا يېتەرلىك ئوزۇق بولىدۇ، مەشىق تۈگىگەندىن كېيىن مۇسكۇلىڭىز رەسمىي تولىدۇ.

    14. مەشىقتىن كېيىنكى كېرەكلىك ئاقسىل

    مۇسكۇل توقۇلمىلىرىنىڭ قايتا قۇرۇلۇش ۋاقتى مەشىقتىن كېيىنكى 30 مىنۇتتىن كېيىنكى ۋاقىت. بۇ ۋاقىتتا سىز ئاقسىل تولۇقلىسىڭىز مۇسكۇل ئېھتىياجلىق ئاساسلىق ئوزۇقلۇقنى تولۇقلىغان بولىسىز، ئەڭ تېز سۈرئەتتە ھەزىم قىلدۇرالايسىز. بۇ چاغدا 40-50 گىرامغىچە ئاقسىل تالقىنى ئىچىپ بەرسىڭىزمۇ بولىدۇ.

    15. ئاددىي كاربون بىرىكمىلىك يېمەكلىك

    ئاقسىل تولۇقلىغاندىن كېيىن سىز كاربون بىرىكمىلىك يېمەكلىكتىنمۇ يېسىڭىز تەركىبىدىكى يەككە ساخارىد ھۈجەيرىڭىزگە سىڭىپ كىرىپ، مەلۇم ھورمۇنلىرىڭىزنى قايتا قوزغىتىش رولىنى ئوينايدۇ. 50-100 گىرامغىچە مېۋە شەربىتى، ئاق بولكا، گلوكوزا قاتارلىق تالاسىز كاربون بىرىكمىسى ئىستېمال قىلسىڭىز بولىدۇ.

    16. مەشىقتىن كېيىن دەرھال مايلىق يېمەكلىكلەرنى يېمەڭ

    مەشىقتىن كېيىن ماي تەركىبى يۇقىرى يېمەكلىك يېگەندە ئوزۇقلۇقنىڭ سۈمۈرۈلۈشىگە تەسىر يېتىدۇ، مۇسكۇل توقۇلمىسى زىيانغا ئۇچرايدۇ.

    17. كېچىدە كاربون بىرىكمىلىك يېمەكلىك يېيىشنى ئازايتىڭ

    كەچقۇرۇنلىرى سالات يېسىڭىز بولىدۇ.

    18. كالورىيەنى ئايلاندۇرۇپ تۇرۇش كېرەك

    بەدەننىڭ ماسلىشىشى ئۈچۈن بىر قانچە كۈن يۇقىرى كالورىيەلىك يېمەكلىك يېمەي، بىر قانچە كۈن ئۆتكەندىن كېيىن ئاندىن يۇقىرى كالورىيەلىك يېمەكلىكلەرنى يېسىڭىز بەدىنىڭىزنى كۆندۈرەلەيسىز.

    19. پېچىنە يەڭ

    ساغلام ئوزۇقلىنىش ھەقىقەتەن مۇھىم، لېكىن بەزىدە ئانچە-مۇنچە ئۇششاق يېمەكلىك يەپ قويسىڭىزمۇ بولىدۇ، ئەمما بىر ھەپتىدە بىر قېتىم ئۆزىڭىزنى ئەركىن قويۇۋېتىش پۇرسىتىڭىز بار، ئەلۋەتتە بەك جىق ھاراق ئىچمەڭ، بەك جىق ئەخلەت يېمەكلىك يەۋالماڭ. ئۆزىڭىز ياقتۇرىدىغان پېچىنە دېگەندەك مۇۋاپىق ئۇششاق يېمەكلىك يېسىڭىز بولىدۇ. لېكىن يەنە دەرھال ئۆزىڭىزنى تىزگىنلەپ باشتىكى پىلانىڭىزغا قايتىپ كېلىڭ.

    20. ئارام ئېلىڭ يەنە ئارام ئېلىڭ

    سەۋىرچان بولۇش، كۆپرەك ئارام ئېلىش كېرەك، ئىلگىرىلەش بىر كېچىدىلا كۆرۈلمەيدۇ، ئىخلاس بىلەن پىلانلاش ۋە تىرىشچانلىق ئارقىلىق نەتىجىگە ئېرىشكىلى بولىدۇ، شۇڭا بەك تېز ئۈنۈم كۆرۈلۈش تەمەسىدە بولماڭ، كۆپرەك ئارام ئېلىپ، مەشىق جەريانىدىن ھوزۇرلىنىشنى بىلىڭ.

    چېنىقىش ئۇستىلىرىنىڭ كۆپىنچىسى «ئاشپەز» ۋە «ئوزۇقشۇناس» بولۇپ كېتىدۇ دەيدۇ.

    مەنبەسى :سىنا


  • ئىنكاسلار


    • ماتىرىياللار چۈشۈۋاتىدۇ ...
  • ئەڭ يېڭى رەسىملەر

  • ئەلكۈيىدە بۈگۈن..

  • تەۋسىيەلىك