• ئۇيقۇ سۈپىتىڭىز ناچارمۇ؟

  • يوللىغۇچى : adila
  • ئىنكاسلار :
  • يوللانغان ۋاقتى : : 2018-07-03 12:12
  • ئۇيقۇ سۈپىتىڭىز ناچارمۇ؟

    تۇرمۇش رېتىمىنىڭ تېزلىشىشى بىلەن كۆپلىگەن كىشىلەر بەزى ئۇيقۇ مەسىلىلىرىگە دۇچ كەلمەكتە. ئومۇمەن ئېيتقاندا، ئۇيقۇ مەسىلىسى ئىككى خىل ئەھۋالنى، بىرى كېچىدىكى ئۇيقۇسىزلىق، يەنە بىرى كۈندۈزى ئاسانلا مۈگدەشنى ئۆز ئىچىگە ئالىدۇ. چارچاش، ئىچى سىقىلىش، كەيپىيات، ھورمۇش ئاجرىلىشىنىڭ تەڭپۇڭسىزلىقى، سېمىزلىك قاتارلىقلارنىڭ ھەممىسى ئۇيقۇغا تەسىر قىلىدىغان ئامىللاردىن ئىبارەت. رۇسىيە «ساغلام تۇرمۇش تورى»دا ئۇيقۇ مەسىلىلىرىنى داۋالايدىغان 5 ئۇسۇل ئالاھىدە تىلغا ئېلىندى. ئۇلار تۆۋەندىكىچە:

    بىرىنچى: قانۇنىيەتلىك ئارام ئېلىشنى يېتىلدۈرۈش

    ۋاقتىدا ئۇخلاش تىلغا ئېلىنسا بەلكىم بەزىلەر خىزمەت بەك ئالدىراش، ئىش بەك تولا دېيىشى مۇمكىن. بىراق ئۆزىمىزگە سەمىمىيلىك بىلەن يۈزلەنسەك، ئۇخلاشتىن بۇرۇن ئانچە-مۇنچە تېلىفۇنغا قاراپ، تېلېۋىزىيە تىياتىرلىرىنى كۆرۈپ ياكى ئويۇن ئويناپ قويىدىغانمىز-ھە؟ بۇلار ئۇيقۇ ۋاقتىنى ئىگەللەپلا قالماي، يەنە چوڭ مېڭىنىڭ نېرۋا پائالىيىتىگىمۇ تەسىر كۆرسىتىدۇ. كومپىيۇتېر، تېلېۋىزور ۋە يانفوننىڭ رادىياتسىيەسى نېرۋا سىستېمىسىغا تەسىر قىلىپ، ئۇخلىيالماسلىق، ئاسانلا ئويغىنىشنى پەيدا قىلىدۇ. شۇڭا، ئۇخلاشتىن بىر سائەت بۇرۇن، يەنى سائەت ئونلار ئەتراپىدا بارلىق ئېلېكتىر مەھسۇلاتلىرىنى ئۆچۈرۈش تەۋسىيە قىلىنىدۇ. بەك بولمىغاندا ئۇخلاشتىن بۇرۇن كۆرۈشكە مۇۋاپىق كىتاب-ماتېرىياللارنى ئوقۇسا مۇۋاپىق.


    ئىككىنچى: ئۆيدە شامال ئۆتۈشۈشى، ئۆي ئىچى تېمپېراتۇرىسى 17دىن 20 سېلسىيە گىرادۇس ئەتراپىدا بولۇشى كېرەك

    تېمپىراتۇرا تۆۋەن بولسا قېلىنراق يوتقان يېپىنىشقا بولىدۇكى، ھەرگىزمۇ ئىنتايىن ئىسسىق مۇھىتتا نېپىزلا نەرسىلەرنى يېپىنىشقا بولمايدۇ. ئەگەر ئەتىگىنى ئويغانغاندا مۈرە ياكى بويۇن قىسمى ئاغرىسا، كارىۋات تەگلىكى، ياستۇق ياكى باشقا نەرسىلەرنى ئالماشتۇرۇش كېرەكلىكىنى چۈشەندۈرىدۇ. كۆرپە مۇۋاپىق، ياستۇق كىچىكرەك، راھەت بولۇش كېرەك. ئۇنىڭدىن باشقا، چىراقنى ئۆچۈرۈپ ئۇخلاش كېرەك. چۈنكى ئۇيقۇغا پايدىلىق بولغان مېلاتونىن پەقەت پۈتۈنلەي قاراڭغۇلۇقتا ھاسىل بولىدۇ، ئۇنىڭ ھاسىل بولۇشىغا بۇزغۇنچىلىق قىلىش پىسخىكا ۋە فىزىيولوگىيەلىك تەڭپۇڭسىزلىقنى پەيدا قىلىدۇ.

    ئۈچىنچى: يېمەك-ئىچمەككە دىققەت قىلىش

    كەچلىك تاماق كېچىلىك ئۇيقۇ سۈپىتىگە تەسىر قىلىپلا قالماي، ئاچ قورساقلىقمۇ ئوخشاشلا پايدىسىز تەسىر پەيدا قىلىدۇ. ئۇيقۇسىزلىقنىڭ ئالدىنى ئېلىش ئۈچۈن ئەڭ ياخشىسى چۈشتىن كېيىن سائەت 6دىن كېيىن يېيىشنى توختىتىش كېرەك. ئەگەر قورساق بەك ئېچىپ كەتكۈدەك بولسا سالات ياكى قېتىق ئىچسە بولىدۇ.

    تۆتىنچى: بەدەننى ئۇيقۇغا كۆندۈرۈش كېرەك. ئەگەر يېتىپمۇ ئۇخلىيالمىسا، ئۆي ئىچىدە ئۇياقتىن بۇياققا مېڭىشنى، نەپەسلىنىش گىمناستىكىسى ئىشلەشنى سىناپ باقسا بولىدۇ. مۇھىمى شۇكى، بەدەن ۋە مېڭە يۈكىنى ئېغىرلاشتۇرۋەتمەسلىك كېرەك.

    بەشىنچى: چۈشلۈك ئۇيقۇ

    چۈشلۈك ئۇيقۇ زېھىننى ئۇرغۇتىدىغان ياخشى ئۇسۇل بولۇپ، مەيلى 15 مىنۇت ئۇخلىۋالسىمۇ روھنى كۆتۈرەڭگۈ قىلغىلى بولىدۇ. تەجرىبە ئارقىلىق ئەڭ ئۆلچەملىك ئۇيقۇ ۋاقتى بەلگىلەندى: بىر ھەپتىدە ھەر كۈنى ئوخشاش ۋاقىتتا ئۇخلاپ، ئەتىسى تەبىئي ئويغىنىش كېرەك. ھەر كۈنى قانچە سائەت ئۇخلاش زۆرۈرلىكىگە قاراپ، ئاندىن بۇ يەتتە كۈندىكى ئوتتۇرىچە ئۇيقۇ ۋاقتىنى ھېسابلاپ ئۆلچەملىك قىممەتكە ئېرىشىش كېرەك. ئەگەر كېچىسى قېنىپ ئۇخلىيالمىسا، كۈندۈزى «تولۇقلىما» ئۇيقۇغا ئېرىشىش كېرەك، يەنى ئاممىۋى ئاپتوبۇس ياكى خىزمەت ۋاقتىدىكى دەم ئېلىشتا كۆزنى يۇمۇپ ئارام ئېلىش كېرەك.

    مەنبەسى :qq.com




    • ماتىرىياللار چۈشۈۋاتىدۇ ...
  • ئەڭ يېڭى رەسىملەر

  • ئەلكۈيىدە بۈگۈن..

  • تەۋسىيەلىك