• چىڭخەيدە «ئائىلە، مەكتەپ تور ئالاقە سۇپىسىدا‹بەشنى قىلىش، بەشنى قىلماسلىق> نى باشقۇرۇش بەلگىلىمىسى» چىقىرىلدى

  • يوللىغۇچى : دىلارە
  • ئىنكاسلار :
  • يوللانغان ۋاقتى : : 2018-10-16 01:11
  • چىڭخەيدە «ئائىلە، مەكتەپ تور ئالاقە سۇپىسىدا‹بەشنى قىلىش، بەشنى قىلماسلىق> نى باشقۇرۇش بەلگىلىمىسى» چىقىرىلدى

    يېقىندا، چىڭخەي ئۆلكىسى شىنىڭ شەھىرى چېڭشى رايونلۇق مائارىپ ئىدارىسىدىن ئىگىلىنىشىچە، رايون قارىمىقىدىكى ھەر قايسى مەكتەپلەر، بالىلار باغچىلىرىنىڭ ئۈندىدار، QQ خىزمەت توپى قاتارلىق ئائىلە، مەكتەپ تور ئالاقە سۇپىلىرىغا بولغان باشقۇرۇش قېلىپلاشتۇرۇلۇپ، كەڭ ئاتا-ئانىلار، ئوقۇغۇچىلارنىڭ ھەددىدىن زىيادە ئېغىر خىزمەت، ئۆگىنىش يۈكىنى يېنىكلىتىش ئۈچۈن، چېڭشى رايونىدا «ئائىلە، مەكتەپ تور ئالاقە سۇپىسىدىكى ‹بەشنى قىلىش، بەشنى قىلماسلىق›نى باشقۇرۇش بەلگىلىمىسى» چىقىرىلغان.

      بۇ بەلگىلىمىدە مۇنۇلار تەلەپ قىلىندى: سۇپىلاردا ئۇچۇر ئېلان قىلىشتا تۆۋەندىكى «بەشنى قىلىش»قا ئەمەل قىلىش لازىم، بىرىنچىدىن، مائارىپ فاڭجېنى ۋە سىياسىتىگە ئۇيغۇن بولۇش؛ ئىككىنچىدىن، ئەمەلىي ئۈنۈمگە ئەھمىيەت بېرىپ، خىزمەت ئۈنۈمىنى ئۆستۈرۈش، ئۇچۇر ئالاقە قېتىم سانىنى ئىمكانقەدەر ئازايتىش؛ ئۈچىنچىدىن، ئاكتىپ ئېنېرگىيە تارقىتىش؛ تۆتىنچىدىن، مەدەنىي، ئەدەپلىك بولۇش، ئادەتتە ئاۋازلىق پاراڭلاشماسلىق، خۇسۇسىيلاشقان چىراي ئىپادىلىرىنى قالايمىقان ئىشلەتمەسلىك؛ بەشىنچىدىن، قېلىپلاشقان، ئېھتىياتچان بولۇش؛ ئۇقتۇرۇش ئەۋەتكەندە، مۇنتىزىم خەت-چەك تەلىپىدىن پايدىلىنىش لازىم.

      «بەشنى قىلماسلىق» تۆۋەندىكىچە: بىرىنچىدىن، دەم ئېلىش ۋاقتىدا ئەۋەتمەسلىك، ئۇچۇر ئېلان قىلىش خىزمەت ۋاقتىدا ئېلىپ بېرىلىشى لازىم، كەڭ ئوقۇغۇچىلار، ئاتا-ئانىلارنىڭ دەم ئېلىش ھوقۇقىغا ھەقىقىي كاپالەتلىك قىلىش كېرەك. ئىككىنچىدىن، تاپشۇرۇق، نەتىجە قاتارلىقلارنى ئەۋەتمەسلىك، ئوقۇغۇچىلارنىڭ تاپشۇرۇقىنى ئوقۇتقۇچى دەرسخانىدا ئورۇنلاشتۇرۇش لازىم، پىكىر ئالماشتۇرۇش توپىدا ئېلان قىلىشقا بولمايدۇ، ئوقۇغۇچىلارنىڭ ئىمتىھان نەتىجىسىنى ئېلان قىلىشقا بولمايدۇ، شۇنىڭ بىلەن بىر ۋاقىتتا تەنقىد، تەقدىرلەش ئۇچۇرلىرىنى تارقاتماسلىق، بېلەت تاشلاش، باھالاش ئۇچۇرلىرىنى تارقاتماسلىق لازىم. ئۈچىنچىدىن، رايونلۇق مائارىپ ئىدارىسىنىڭ ئىجازىتىنى ئالماي تۇرۇپ ياردەم سوراش، خەير-ئېھسان، ئىئانە توپلاش قاتارلىق پائالىيەت ئۇچۇرلىرىنى ئەۋەتمەسلىك لازىم. «خۇشامەت توپى»نىڭ پەيدا بولۇشىدىن ساقلىنىش ئۈچۈن، ئادەتتىكى ئۇقتۇرۇشلاغا قارىتا، پىرىنسىپ جەھەتتىن يۈرەك بەرمەسلىك، قايتۇرماسلىق لازىم. تۆتىنچى، خىزمەت بىلەن مۇناسىۋەتسىز سۆز، رەسىم، ئۇلىنىش قاتارلىق ئۇچۇرلارنى ئەۋەتمەسلىك لازىم. مەسىلەن، سودا ئېلانى ياكى تاۋار سېتىش قاتارلىقلار. «ئېلان توپى»نىڭ پەيدا بولۇشىدىن ساقلىنىش ئۈچۈن، ئوقۇتۇش خىزمەتچىلىرىنىڭ «تور سودىسى» قىلىشى قاتتىق مەنئى قىلىنىدۇ. بەشىنچىدىن، باشقىلارنىڭ يوشۇرۇن ئۇچۇرلىرىنى يوللىماسلىق لازىم.

      چېڭشى رايونلۇق مائارىپ ئىدارىسى ھەر قايسى ئورۇنلارنىڭ سۇپىغا بولغان باھالاش، نازارەت قىلىپ باشقۇرۇش قاتارلىق خىزمەتلەرنى ياخشى ئىشلەپ، سۇپا باشقۇرۇشنى ئوقۇتقۇچىلارنى تەكشۈرۈش دائىرىسىگە كىرگۈزۈشنى تەلەپ قىلدى. بۇ بەلگىلىمىگە خىلاپلىق قىلغان خىزمەتتىكى كادىرلار، ئوقۇتقۇچىلار، ئىشچىلارغا قارىتا، ئەھۋالنىڭ ئېغىر- يېنىكلىكىگە قاراپ مۇناسىپ بولغان پارتىيە ئىنتىزامى، مەمۇرىي ئىنتىزام چارىسى كۆرۈلىدۇ، بۇ بەلگىلىمىگە خىلاپلىق قىلغان ۋاقىتلىق ئوقۇتقۇچىلار، ۋاقىتلىق تەكلىپ قىلىنغان خادىملار قەتئىي ئىشتىن بوشىتىلىدۇ.

    مەنبەسى :شىنجاڭ گېزىتى




    • ماتىرىياللار چۈشۈۋاتىدۇ ...
  • ئەڭ يېڭى رەسىملەر

  • ئەلكۈيىدە بۈگۈن..

  • تەۋسىيەلىك
  • شاھرۇلخان بىلەن بېيجىڭدا ئۆتكۈزۈلگەن سۆھبەت ئەلكۈيىدە تارقىتىلدى现场直播

    1970-01-01 08:00

  • ھەدىيە كۆزگە ئاق چۈشۈشنى داۋالاش نەتىجىسى ئەلكۈيىدە 现场直播

    1970-01-01 08:00

  • شىنجاڭ كوماندىسى ساھىپخان مەيداندا لياۋنىڭنى2 قېتىم مەغلۇب قىلدى

    1970-01-01 08:00

  • ئاپتونوم رايوننىڭ مىللەتلەر ئىتتىپاقلىقىنى مۇستەھكەملەش، راۋاجلاندۇرۇش سۆھبەت يىغىنى ئېچىلدى

    1970-01-01 08:00

  • بايرامدا شىمالىي شىنجاڭدا يامغۇرى يېغىپ، جەنۇبىي شىنجاڭدا قۇم-توزان كۆرۈلىدۇ

    1970-01-01 08:00

  • ئۈرۈمچى تۆمۈريول ئىدارىسى جەمئىيەتتىن ئاشكارا 1027 نەپەر خىزمەتچى قوبۇل قىلىدۇ

    1970-01-01 08:00

  • ئۈرۈمچىدە بۈگۈن ھاۋا ئوچۇق بولۇپ ئەڭ يۇقىرى تېمپېراتۇرا ℃19 بولىدۇ

    1970-01-01 08:00

  • چېن چۈەنگو ئاپتونوم رايوننىڭ دىن ساھەسىدىكى ۋەتەنپەرۋەر زاتلار سۆھبەت يىغىنىدا مۇنداق تەكىتلىدى

    1970-01-01 08:00

  • ئۈرۈمچىدە بىخەتەرلىك تاسمىسى بويىچە مەخسۇس تۈزەش ھەرىكىتىنى قانات يايدۇرىدۇ

    1970-01-01 08:00

  • چىڭمىڭ بايرىمىدا ئايروپىلان بېلەتلىرىنىڭ باھاسىدا ئېتىبار كۆپ

    1970-01-01 08:00