• ئۈرۈمچىدە بۈگۈن ھاۋا ئوچۇق بولۇپ ئەڭ يۇقىرى تېمپېراتۇرا ℃19 بولىدۇ

  • يوللىغۇچى : دىلمۇرات
  • ئىنكاسلار :
  • يوللانغان ۋاقتى : : 2019-04-03 11:55
  • ئۈرۈمچىدە بۈگۈن ھاۋا ئوچۇق بولۇپ ئەڭ يۇقىرى تېمپېراتۇرا ℃19 بولىدۇ


     ئۈرۈمچىدە تۈنۈگۈنكى ياخشى ھاۋا بۈگۈن يەنە داۋاملاشتى.بۈگۈن ھاۋا ئوچۇق بەزىدە بۇلۇتلۇق بولۇپ، ئەڭ يۇقىرى تېمپېراتۇرا ℃19، ئەڭ تۆۋەن تېمپېراتۇرا ℃9 بولىدۇ، ئۈچ بال شامال چىقىدۇ.

      پۈتۈن شىنجاڭ مىقىياسىدىن قارىغاندا، تارباغاتاي ۋىلايىتىنىڭ شىمالىدا تۆت بال ئەتراپىدا قىيپاش شەرق شامىلى چىقىدىكەن. بۇنىڭ ئىچىدە شامال ئۆتەڭ ۋە مايتاس شامال رايونىدا 8~7 بال بوران چىقىدىكەن.

       بۈگۈنكى 7 بال ئەتراپىدىكى قىيپاش شەرق بورىنىنىڭ تەسىرىگە ئۇچرايدىغان يول بۆلەكلىرى: دۆلەت يولى G3015 لىنىيەسىنىڭ دۆربىلجىندىن تۆمۈرتامغىچە بولغان بۆلىكى، ئۆلكە يولى S201لىنىيەسىدىكى مايتاس شامال رايونى، ئۆلكە يولى S221 لىنىيەسىدىكى تولى شامال ئۆتەڭ رايونى.

      ھاۋانىڭ ئىسسىشى بىلەن، ئەتىگەندە چېنىقىدىغانلار كۆپەيدى. دىققەت قىلىشقا تېگىشلىكى، چېنىقىش ھەددىن زىيادە بولۇپ كەتمەسلىك كېرەك. بەك كۆپ تەر چىقىشمۇ ياخشى ئىش ئەمەس. ئەتىيازدا سەھەردە ھاۋا يەنىلا سوغۇق بولىدۇ، تەر تۆشۈكچىلىرى ئېچىلغاندا ناۋادا سوغۇق شامال بىلەن ئۇچرىشىش قالسا ئاسانلا زۇكامداپ قالىدىغان ئەھۋاللار كۆرۈلىدۇ.

    مەنبەسى :تىيانشان تورى





    • ماتىرىياللار چۈشۈۋاتىدۇ ...
  • ئەڭ يېڭى رەسىملەر

  • ئەلكۈيىدە بۈگۈن..

  • تەۋسىيەلىك