• ئۈرۈمچى: تېببىي كۆزىتىلىۋاتقانلارنىڭ ھەربىرىگە كۈنىگە 50 يۈەنلىك ئۆلچەم بويىچە تاماق يەتكۈزۈپ

  • يوللىغۇچى : دىلارە
  • ئىنكاسلار :
  • ئۈرۈمچى: تېببىي كۆزىتىلىۋاتقانلارنىڭ ھەربىرىگە كۈنىگە 50 يۈەنلىك ئۆلچەم بويىچە تاماق يەتكۈزۈپ

    7-ئاينىڭ 27-كۈنى سائەت 17:00دە، ئاپتونوم رايونلۇق ھۆكۈمەت ئاخبارات ئىشخانىسى نۆۋەتتىكى ئۈرۈمچى شەھىرىنىڭ يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمى ۋە ئالدىنى ئېلىش-تىزگىنلەش خىزمىتى ئەھۋالى توغرىسىدا 10-مەيدان ئاخبارات ئېلان قىلىش يىغىنى ئۆتكۈزدى ھەم مۇخبىرلارنىڭ سوئالىغا جاۋاب بەردى.

        نۆۋەتتە ئۈرۈمچى شەھىرىدە يېڭى تىپتىكى تاجسىمان ۋىرۇسلۇق ئۆپكە ياللۇغى دەپ ئېنىق دىياگنوز قويۇلغان ئاغرىق مىسالى بىلەن يېقىندىن ئۇچراشقانلار مەركەزلىك تېببىي كۆزىتىلىۋاتىدۇ. ئۈرۈمچى شەھەرلىك سەھىيە-ساغلاملىق كومىتېتىنىڭ مۇدىرى جاڭ ۋېي كۆپچىلىك كۆڭۈل بۆلۈۋاتقان كۆزىتىش نۇقتىلىرى ئەھۋالىنى تونۇشتۇردى.

        جاڭ ۋېي مۇنداق دېدى: «يېڭى تىپتىكى تاجسىمان ۋىرۇسلۇق ئۆپكە ياللۇغى يۇقۇمىنىڭ ئالدىنى ئېلىش-تىزگىنلەش خىزمىتىنى ياخشى ئىشلەش ئۈچۈن، ئۈرۈمچى شەھىرى مەركەزلىك تېببىي كۆزىتىش نۇقتىسى تەسىس قىلىپ، ئېنىق دىياگنوز قويۇلغان ئاغرىق مىساللىرى بىلەن يېقىندىن ئۇچراشقانلارنى مەركەزلىك تېببىي كۆزىتىۋاتىدۇ. ئۈرۈمچى شەھەرلىك يۇقۇمنىڭ ئالدىنى ئېلىش-تىزگىنلەش قوماندانلىق ئىشتابى يۇقۇمنىڭ ئالدىنى ئېلىش-تىزگىنلەشكە ئالاقىدار كۆرسەتمىنىڭ تەلىپى بويىچە، مەركەزلىك تېببىي كۆزىتىش نۇقتىسىنىڭ تۈرلۈك مۇلازىمەت، كاپالەت خىزمىتىنى پۈتۈن كۈچى بىلەن ياخشى ئىشلىدى».

        بىرىنچى، تېببىي كۆزىتىش ياخشى ئىشلەندى. بارلىق مەركەزلىك تېببىي كۆزىتىش ئوبيېكتلىرى مۇقىملاشتۇرۇلغان ھامان، بىرىنچى ۋاقىتتا مەخسۇس ئادەم، مەخسۇس ئاپتوموبىلدا «بىرگە بىر» ئۆتكۈزۈپ بېرىلىپ-ئۆتكۈزۈۋېلىنىپ، «نۇقتىدىن نۇقتىغا» يۆتكەلدى، تەرتىپلىك ئۇدۇللاشتۇرۇلدى. يالغۇز ئادەم يالغۇز كىشىلىك تۇرالغۇغا ئورۇنلاشتۇرۇلدى(بالىلار، ئاغرىقلار قاتارلىق ھەقىقەتەن باشقىلار ھالىدىن خەۋەر ئېلىشقا ئېھتىياجلىق كىشىلەر بۇنىڭ سىرتىدا)، شۇنىڭ بىلەن بىر ۋاقىتتا كۆزىتىش ئوبيېكتلىرىنىڭ سالامەتلىكىنى تەكشۈرۈش قېلىپلاشتۇرۇلۇپ، ھەركۈنى ئاز دېگەندە ئىككى قېتىم تەكشۈرۈلدى، ئىشىك ئالدىغا بېرىپ بەدەن تېمپېراتۇرىسى ئۆلچىنىپ، خاتىرە قالدۇرۇلۇپ، سالامەتلىك ئەھۋالىدا نورمالسىزلىق بايقالغان ھامان يۆتكەپ داۋالاندى.

        ئىككىنچى، تۇرمۇش كاپالىتى مۇكەممەللەشتۈرۈلدى. مەركەزلىك تېببىي كۆزىتىش نۇقتىسىدىكى بارلىق ئۆيلەرگە ئاساسىي تۇرمۇش ئەسلىھەلىرى سەپلىنىپ، سۇ، توك قاتارلىقلارنى نورمال ئىشلىتىشكە كاپالەتلىك قىلىندى، تۇرمۇش بۇيۇملىرى سەپلەندى، ھەربىر كىشىگە كۈنىگە 50 يۈەنلىك ئۆلچەم بويىچە نۇقتىلىق تاماق يەتكۈزۈپ مۇلازىمەت قىلىندى ھەمدە باشقا كېسەلگە گىرىپتار بولغانلارغا ۋاقتىدا دورا يەتكۈزۈپ بېرىلدى، جىددىي خاراكتېرلىك كېسەللىك كۆرۈلگەنلەر مەخسۇس ئاپتوموبىلدا دوختۇرخانىغا ئاپىرىپ داۋالىتىلدى.

        ئۈچىنچى، پىسخىكىلىق يېتەكلەش كۈچەيتىلدى. توردا ۋە تور سىرتىدا پىسخىك مەسلىھەت بېرىش مۇلازىمىتى يولغا قويۇلدى، خىزمەتچى خادىملار مەركەزلىك تېببىي كۆزىتىلىۋاتقانلار بىلەن ۋېيشىن توپى قۇرۇپ، تېببىي كۆزىتىلىۋاتقانلار بىلەن توپتا ئۆزئارا ھەمتۈرتكە بولۇپ، سوئاللارغا جاۋاب بەردى، بۇنىڭ بىلەن پىسخىك بېسىم يېنىكلىتىلىپ، كەيپىيات تۇراقلاشتۇرۇلۇپ، ئىشەنچ ئاشۇرۇلدى.

        تۆتىنچى، گىرەلەشمە يۇقۇملىنىشنىڭ قاتتىق ئالدى ئېلىندى. خىزمەتچى خادىملاردىن باشقا كىشىلەرنىڭ كىرىپ-چىقىشى قاتتىق چەكلەندى. پاكىز رايون، يېرىم بۇلغانغان رايون ۋە بۇلغانغان رايون مۇۋاپىق تەسىس قىلىنىپ، مۇھىت تازىلىقىنى باشقۇرۇش كۈچەيتىلىپ، ھەربىر ئۆينىڭ ھاۋاسىنىڭ مۇستەقىل ئالمىشىشىغا كاپالەتلىك قىلىندى، تېببىي ئالدىنى ئېلىش-تىزگىنلەش ئۆلچىمى بويىچە ئەسلىھەلەر سەپلىنىپ، دېزىنفېكسىيە قىلىندى. دېزىنفېكسىيەلەش خاتىرە تىزىملىكى قالدۇرۇش پۇختا ئىشلىنىپ، داۋالاش تاشلاندۇقلىرى ۋاقتىدا تازىلاندى.

        «بىز تېببىي كۆزىتىلىۋاتقانلارنىڭ تېببىي كۆزىتىشكە دائىر تۈرلۈك بەلگىلىمىلەرگە قاتتىق رىئايە قىلىشىنى، ئۆزىنىڭ سالامەتلىك ئەھۋالىغا كۆڭۈل بۆلۈپ، تېببىي خادىملارنىڭ سالامەتلىك كۆزىتىش خىزمىتىگە تەشەببۇسكارلىق بىلەن ماسلىشىشىنى، ئەگەر قىزىش، قۇرۇق يۆتىلىش، ماغدۇرسىزلىنىش، يۇتقۇنچاق ئاغرىش، ئىچى سۈرۈش، پۇراش سېزىمى، تەم سېزىمى بىنورمال بولۇش قاتارلىق كېسەللىك ئالامەتلىرى كۆرۈلسە، دەرھال خىزمەتچى خادىملارغا مەلۇم قىلىشىنى ئۈمىد قىلىمىز» دېدى جاڭ ۋېي.

    مەنبەسى :تيانشان تورى





    • ماتىرىياللار چۈشۈۋاتىدۇ ...
  • ئەڭ يېڭى رەسىملەر

  • ئەلكۈيىدە بۈگۈن..

  • تەۋسىيەلىك
  • زىدانى مۇسابىقىدىن بورۇن خان مادىرىد ھەققىدە تاراتقۇلارنىڭ سۇئالىغا جاۋاب بەردى

    1970-01-01 08:00

  • يۇۋېنتۇس ئەنسىرىشى كېرەك؟ بۇ رېپىر ئىتالىيە كوماندىلىرىنىڭ «باش ئاغرىقى»

    1970-01-01 08:00

  • بىر قانچە سائەتتىن كىيىن رونالدو بۇ يىلدىكى ئەڭ چوڭ سىناقتىن بىرىگە دۇچ كىلىدۇ

    1970-01-01 08:00

  • خوتەن شەھىرىدىكى ئامەتلىك لاتارىيەچى 20 مىڭ يۈەن مۇكاپاتقا ئېرىشتى

    1970-01-01 08:00

  • يۇقۇم ئەھۋالىغا تاقابىل تۇرۇش ئۈرۈمچى پاراۋانلىق لاتارىيەسى پىدائىيلىرى ھەرىكەتكە كەلدى !!

    1970-01-01 08:00

  • يۇقۇمنىڭ داۋاملىق ئالدىنى ئېلىش ۋە ئۇنى تىزگىنلەش ھەممەيلەننىڭ باش تارتىپ بولمايدىغان بۇرچى

    1970-01-01 08:00

  • كەلگۈسىدىن ئەنسىرىمەڭ، ئۆتمۈشكە باغلىنىپ قالماڭ!

    1970-01-01 08:00

  • 4 توننا كۆكتات ئاھالىلەرگە ھەقسىز يەتكۈزۈپ بېرىلدى، ئۇ تيەنتيەن ئاكتىپ ئېنېرگىيە مۇكاپاتىغا ئېرىشتى

    1970-01-01 08:00

  • سىزگە رەھمەت ئېيتىمەن | يۇقۇمغا تاقابىل تۇرۇش جېڭىنىڭ بىرىنچى سېپىدە چاقناۋاتقان پىدائىيلار

    1970-01-01 08:00

  • تېببىي كۆزىتىش كىمگە قارىتىلغان؟ نېمە ئۈچۈن؟ ئۈرۈمچى شەھەرلىك سەھىيە-ساغلاملىق كومىتېتىنىڭ جاۋابى

    1970-01-01 08:00