چاي ئىچىش ھاراق-تاماكىنىڭ زىيىنىنى ئازايتالامدۇ؟

تۇرمۇشتا تاماكا چېكىش، ھاراق ئىچىش قىلمىشى بار كىشىلەر بارغانسېرى كۆپەيمەكتە، لېكىن كۆپ ساندىكى كىشىلەر سالامەتلىكىدە مەسىلە كۆرۈلمىگەندە، تاماكا چېكىش، ھاراق ئىچىش بەزى كېسەللىكلەرنى كەلتۈرۈپ چىقىرىدۇ دېيىش ئادەم قورقىتىدىغان گەپ، ئۆزۈم ئۇزۇن مەزگىل ھاراق ئىچىپ، تاماكا چەكسەممۇ ھېچقانداق كېسەل بولمىدىم دەپ ئويلايدۇ.

ئەمەلىيەتتە، ھاراق-تاماكىنىڭ زىيىنى ئۈزۈكسىز جۇغلىنىپ تۇرىدۇ، ۋاقىت ئۇزارغانسېرى كېسەللىك پەيدا بولۇش خەۋپى شۇنچە چوڭ بولىدۇ، بۇنى بالدۇرراق تونۇپ يېتىپ، ۋاقتىدا ھاراق-تاماكىدىن يىراق تۇرغان ياخشى. بەزىلەر مۇنداق بىر سوئالنى ئوتتۇرىغا قويدى: چاي ئىچىش سالامەتلىككە پايدىلىق، ھاراق-تاماكىنىڭ زىيىنىنى تۈگەتكىلى بولامدۇ؟

ئۇزاق مۇددەت ھاراق-تاماكىدىن ئايرىلالماسلىق قىلمىشى بار كىشىلەردە كۆپ خىل كېسەللىكلەر كۆرۈلىدۇ، ھاراق ئىچىش جەريانىدا جىگەرنى زەخىملەندۈرۈپ، ئىسپىرت مەنبەلىك جىگەرنى ماي قاپلاش نىسبىتىنى ئاشۇرۇپلا قالماي، يەنە يۇقىرى قان بېسىمنىڭ يېتىپ كېلىشىنى تېزلىتىۋېتىدۇ.

دائىم كۆپ مىقداردا تاماكا چەككەندە، ئۆپكىگە يىغىلىپ قالغان زىيانلىق ماددىلار كۆپ بولۇپ، ئاسانلا ئۆپكە راكىغا گىرىپتار بولىدۇ، يەنە قان تومۇرلارنىڭ تەدرىجىي قېتىشىنى تېزلىتىپ، كېيىنكى كۆپ خىل يۈرەك، مېڭە قان تومۇر كېسەللىكلىرى پەيدا بولىدۇ، شۇڭا بالدۇرراق تاماكا تاشلاش، ھاراق تاشلاش ئارقىلىق ئورگانىزمنىڭ ساغلاملىقىنى ساقلاش كېرەك.

چاي ئىچكەندە كاتېخولىن، چاي پولىفېنولى، مىكرو ئېلېمېنت، مىنېرال ماددا قاتارلىق كۆپ خىل ئوزۇقلۇق ماددىلارغا ئېرىشكىلى بولىدۇ، بۇ ئوزۇقلۇق ماددىلار بىلەن تەمىنلەنگەندىن كېيىن يۈرەك، مېڭە قان تومۇر كېسەللىكلىرىنىڭ يۈز بېرىش نىسبىتىنى تۆۋەنلەتكىلى بولىدۇ، يەنە ئىشتىھانى ئېچىش، ھەزىم قىلىشنى ئىلگىرى سۈرۈش، مېڭىنى سەگەكلەشتۈرۈش، قېرىشنى كېچىكتۈرۈش رولى بار.

ئەمەلىيەتتە تاماكا چېكىش، ھاراق ئىچىش قىلمىشلىرى ئاللىقاچان يۈز بېرىپ بولغان بولۇپ، بەدەننىڭ تەسىرگە ئۇچرىشىنى ئازايتىشنى ئويلىسا، ئەڭ مۇھىمى باشقا ئۇسۇللار ئارقىلىق زىياننى ئازايتىش ئەمەس، بەلكى بالدۇرراق تاماكا تاشلاش، ھاراق تاشلاش كېرەك. چاي ئىچىش گەرچە ياخشى بولسىمۇ، لېكىن چاينى توغرا ئىچىش ئالدىنقى شەرتى ئاساسىدا بەرپا قىلىپ، مىقدارىنى ياخشى كونترول قىلىش، قېنىق چاي ئىچمەسلىك، قايناق چاي ئىچمەسلىك كېرەك.

ئەگەر بۇ ئالدىنقى شەرتلەر ھازىرلانمىسا، دائىم چاي ئىچكەندە خاتالىق كۆرۈلسە، پايدىغا ئېرىشەلمەيلا قالماستىن، ئەكسىچە كېسەللىكنىڭ يېتىپ كېلىشىنى تېزلىتىۋېتىدۇ. بەزى كىشىلەر ئاچ قورساققا قېنىق چاي ئىچسە، ئاشقازان شىللىق پەردىسىنى غىدىقلاپ، ئاشقازان كېسەللىكلىرىنى كەلتۈرۈپ چىقىرىدۇ، ھەمىشە كۆپ مىقداردا چاي ئىچسە، ئۇيقۇ سۈپىتىنىڭ تۆۋەنلەپ كېتىشىنى كەلتۈرۈپ چىقىرىدۇ، قىزىق چاي ئىچكەندە ئېغىز بوشلۇقى شىللىق پەردىسىگە زىيان يەتكۈزۈپ، قىزىلئۆڭگەچ راكىنىڭ پەيدا بولۇش نىسبىتىنى ئاشۇرۇۋېتىدۇ.

ھاراق-تاماكىنىڭ زىيىنىنى ئازايتىش ئۈچۈن، قانداق توغرا ئۇسۇل قوللىنىش كېرەك؟

1. ھاراق-تاماكىنى ۋاقتىدا تاشلاش. ھاراق-تاماكىنىڭ زىيىنىنى ئازايتىش ئۈچۈن، بىرىنچى ۋاقىتتا تاماكا-ھاراقنى تاشلاش مۇھىم ھالقا. ھاراق-تاماكىغا يېقىن يولىماسلىق، زىيانلىق ماددىلارنى ئازايتىشنى ئىشقا ئاشۇرۇش ئارقىلىق، قەتئىي نىيەتكە كېلىپ، يېتەرلىك ئىرادىگە كېلىپ، تاماكا تاشلاش جەريانىدا تەدرىجىي ئىلگىرىلەپ، تاماكا چېكىش مىقدارىنى تەدرىجىي ئازايتىش كېرەك.

ھاراق ئىچكەندىمۇ بۇ خىل ئۇسۇلنى قوللىنىپ، بۇ جەريانغا تەدرىجىي ماسلاشقىلى بولىدۇ، كېيىن ھاراق-تاماكىنى ئىچىپ-چەكمىگەن بىلەنمۇ بىئاراملىق ھېس قىلمايدۇ، شۇندىلا مۇۋەپپەقىيەت قازىنىش نىسبىتىنى يۇقىرى كۆتۈرگىلى بولىدۇ. ئۇنىڭدىن باشقا، قىزىقىشىنى يېتىلدۈرۈپ، دىققىتىنى بۇراپ، تاماكا چېكىش، ھاراق ئىچىش ئويىنى باسالماي، دىققىتىنى بۇراپ، مۇۋەپپەقىيەت قازىنىش نىسبىتىنى يۇقىرى كۆتۈرگىلى بولىدۇ.

2. ياخشى تۇرمۇش ئادىتىنى ساقلاپ، ھاراق-تاماكىنىڭ زىيىنىنى ئازايتىش ئۈچۈن، ياخشى ئادەت يېتىلدۈرۈشكە دىققەت قىلىش كېرەك. ياخشى ئادەت كۆپ تەرەپكە چېتىلىدۇ، يېمەك-ئىچمەك جەھەتتە بىپەرۋالىق قىلىشقا بولمايدۇ، جىگەرنى ئاسرايدىغان، ئۆپكىنى تازىلاپ ئۆپكىنى سىلىقلايدىغان يېمەكلىكلەرنى كۆپرەك يېيىش كېرەك. بەزى كىشىلەر تاماكا چەككەندىن كېيىن يۆتىلىدۇ، بەلغەم كۆپ ئاجرىلىپ چىقىدۇ، بۇنى نەشپۈت، چارتال بىلەن تەڭشىسە بولىدۇ.

ئۇنىڭ ئۈستىگە دائىم ھاراق ئىچىش جىگەرنى زەخىملەندۈرىدۇ، جىگەرنى قۇۋۋەتلەش رولىغا ئىگە يېمەكلىكلەرنى تاللاپ ئوزۇقلۇققا ئېرىشكىلى بولىدۇ، شۇنىڭ بىلەن بىر ۋاقىتتا يېتەرلىك ئاقسىل، ۋىتامىن تولۇقلىغىلى بولىدۇ.