新闻详情

پارىژ سانت گېرمان vs مانچېستېر بىرلەشمىسى مۇسابىقىسىگە نەزەر

发表时间:2020-10-20 22:03作者:ئەلكۈيى تەنتەربىيەسى来源:جىبوبا تورى

2020102021360196531.jpg

بېيجىڭ ۋاقتى 10-ئاينىڭ 21-كۈنى سەھەر سائەت 3:00تە ئۆتكۈزۈلىدىغان 2020/2021-يىللىق مۇسابىقە پەسلى ياۋروپا چېمپىيونلۇق بىرلەشمىسى گۇرۇپپا باسقۇچىنىڭ تۇنجى ئايلانمىسىدا پارىژ سانت گېرمان ساھىبخان مەيداندا مانچېستېر بىرلەشمىسىنى كۈتۈۋالىدۇ. بۇ مۇسابىقىدە كاۋانى مەيدانغا چۈشەلمەيدۇ، پارىژ سانت گېرمان بولسا ياۋروپا چېمپىيونلۇق بىرلەشمىسى شاللاش مۇسابىقىسىدىكى ئۆچىنى ئېلىشنى ئۈمىد قىلماقتا. مانچېستېر بىرلەشمىسى ئېنگلاند ئالىي بىرلەشمىسىدىكى ئەنئەنىۋىي كۈچلۈك كوماندا، ئەمما ئۇلار يېقىنقى يىللاردىن بۇيان ئىزچىل ياخشى نەتىجىگە ئېرىشەلمىدى، ئالدىنقى مۇسابىقە پەسلىدىمۇ تەلىيى كېلىپ ياۋروپا چېمپىيونلۇق بىرلەشمىسىگە قاتنىشىش سالاھىيىتىگە ئېرىشتى. مانچېستېر بىرلەشمىسى بۇ يىللىق يازلىق يۆتكىلىش كۆزنىكىدە كاۋانىنى قوشۇۋالغان بولسىمۇ، ئەمما پارىژ سانت گېرماننىڭ بۇ سابىق ھۇجۇمچىسى، شۇنداقلا پارىژ سانت گېرمان كوماندا تارىخىدىكى بىرىنچى مەرگەن بولغان كاۋانى بۇ مۇسابىقىگە قاتنىشالمايدۇ، بۇ مەستانىلەرگە نىسبەتەن ئەپسۇسلىنارلىق ئىش بولۇشى مۇمكىن. پارىژ سانت گېرمانغا كەلسەك، نېيمار. مباپپې ۋە ئىكاردىدىن تۈزۈلگەن ھۇجۇم گۇرۇپپىسى مانچېستېر شەھىرىدىن ئۆچ ئېلىشنى كۈتمەكتە، بۇ ھۇجۇم گۇرۇپپىسىنىڭ ئىپادىسى بۇ مۇسابىقىنىڭ ئاخىرقى نەتىجىسىگە بىۋاستە تەسىر كۆرسىتىدۇ.

مۇسابىقە خارەكتېرى: 2020/2021-يىللىق مۇسابىقە پەسلى ياۋروپا چېمپىيونلۇق بىرلەشمىسى گۇرۇپپا باسقۇچىنىڭ تۇنجى ئايلانمىسى

مۇسابىقە ۋاقتى: بېيجىڭ ۋاقتى 10-ئاينىڭ 21-كۈنى سەھەر سائەت 3:00

مۇسابىقە ئورنى: شاھزادە باغچىسى توپ مەيدانى

2020102021355721783.jpg

بۇ مۇسابىقىدىكى كۆرۈش نۇقتىلىرى:

1. كاۋانى مەيدانغا چۈشەلمەيدۇ، ھېررېرا كونا كوماندىسىغا يۈزلىنىدۇ

كاۋانى بۇ يىل يازدا پارىژ سانت گېرماندىن ئايرىلىپ مانچېستېر بىرلەشمىسىگە قوشۇلدى، لېكىن سولسىكيار مۇخبىرلار يىغىنىدا كاۋانىنىڭ مەيدانغا چۈشەلمەيدىغانلىقىنى جەزملەشتۈردى. لېكىن، مانچېستېر بىرلەشمىسىدىن پارىژ سانت گېرمانغا قوشۇلغان ھېررېرا بۇ مۇسابىقىدە ئاساسلىق ئەزا بولۇپ مەيدانغا چۈشۈشى مۇمكىن، ئۇ ئىلگىرى مانچېستېر بىرلەشمىسىدە قېلىشنى ئۈمىد قىلىدىغانلىقىنى بىلدۈرگەن، ئەمما مانچېستېر بىرلەشمىسى ئۇنى ئېلىپ قالمىغان، شۇڭا ھېررېرا بۇ مۇسابىقىدە قالتىس ئىپادىسىنى نامايان قىلىپ ئۆزىنى ئىسپاتلاشنى نىشانلىماقتا.

2020102021355267955.jpg

2. پارىژ سانت گېرماننىڭ ئۇنتۇلماس چۈشى

پارىژ سانت گېرمان يېقىنقى يىللاردىكى ياۋروپا چېمپىيونلۇق بىرلەشمىسىدە بىر نەچچە قېتىم ناچار ئۆتمۈشكە دۇچ كەلدى، 2018/2019-يىللىق مۇسابىقە پەسلىدە 1/8 ھەل قىلغۇچنىڭ تۇنجى ئۇچرىشىشىدا 0:2 نەتىجە بىلەن مانچېستېر بىرلەشمىسىنى مەغلۇپ قىلغان ئەھۋال ئاستىدا، ئىككىنچى ئۇچرىشىشتا 3:1 نەتىجە بىلەن مانچېستېر بىرلەشمىسىگە ئۇتتۇرۇپ شاللىنىپ كەتكەن، شۇڭا ئۇلار بۇ مۇسابىقىدە ئەينى ۋاقىتتىكى ئۆچىنى ئالماقچى. گەرچە بۇ مۇسابىقىنىڭ مۇھىملىق دەرىجىسى ئەينى ۋاقىتتىكى شاللاش مۇسابىقىسىگە يەتمىسىمۇ، لېكىن پارىژ سانت گېرمان توپچىلىرى ئاشۇ نومۇسنى ئۇنتۇپ قالمىغان، بۇ بۇ مۇسابىقىدىكى ئەڭ چوڭ كۆرۈش نۇقتىسى ھېسابلىنىدۇ.

2020102021354959112.jpg

3. باشلىنىش ھەممىدىن مۇھىم

مانچېستېر بىرلەشمىسىنىڭ يېڭى مۇسابىقە پەسلىدىكى ئىپادىسى ئانچە ياخشى ئەمەس، ئۇلار تۆت ئايلانمىدا ئىككى قېتىم ئۇتۇپ ئىككى قېتىم تەڭلەشتى، ئالدىنقى ئايلانمىدا نېۋكاستلنى مەغلۇپ قىلغانلىقى ئۈچۈن سولسىكيارنىڭ باش ترېنېرلىق ئورنىمۇ ساقلىنىپ قالدى، لېكىن ئۇ بۇ مۇسابىقىدە تېخىمۇ چوڭ سىناققا دۇچ كېلىدۇ. مانچېستېر بىرلەشمىسى يېڭى مۇسابىقە پەسلىدىكى تۆت مەيدان بىرلەشمە مۇسابىقىسىنىڭ ئالدىنقى 10 مىنۇتىدا تۆت توپ كەتكۈزگەن، بۇ پارىژ سانت گېرمان ھۇجۇم سېپى ئۈچۈن ئىنتايىن ياخشى پۇرسەت، نېيمار، مباپپې ۋە ئىكاردىدىن تەركىب تاپقان پارىژ سانت گېرمان ھۇجۇم گۇرۇپپىسى مۇسابىقىنىڭ باشلىنىشىدىلا مانچېستېر بىرلەشمىسىگە بېسىم قىلىشنى باشلىشى مۇمكىن.


分享到: