قالقانسىمان بەز كۈچىيىش خاراكتېرلىك يۈرەك كېسىلى توغرىسىدا نېمىلەرنى بىلىسىز؟

ئالدى بىلەن بىز نېمىنىڭ قالقانسىمان بەز كۈچىيىش خاراكتېرلىك يۈرەك كېسىلى ئىكەنلىكىنى كۆرۈپ باقايلى. قالقانسىمان بەز كۈچىيىش خاراكتېرلىك يۈرەك كېسىلى ئادەتتە قالقانبەز فۇنكسىيەسى ئېشىپ كېتىشتىن كېلىپ چىققان يۈرەك كېسىلىنى كۆرسىتىدۇ، بەزى قالقانبەز فۇنكسىيەسى ئېشىپ كەتكەن بىمارلاردا بىرلا ۋاقىتتا باشقا خىلدىكى يۈرەك كېسىلى قوشۇلۇپ كېلىشنى ئۆز ئىچىگە ئالمايدۇ. بۇ ئىككى ئاساسىي ئامىلنى ئۆز ئىچىگە ئالىدۇ: يۈرەك كېسىلىنى قالقانبەز فۇنكسىيەسى كۈچىيىپ كېتىش كەلتۈرۈپ چىقىرىدۇ، بىۋاسىتە سەۋەب-نەتىجە مۇناسىۋىتى مەۋجۇت بولىدۇ؛ ئۇنىڭدىن باشقا، باشقا تىپلار تەڭ مەۋجۇت بولۇپ تۇرىدىغان يۈرەك كېسىلى بۇ دائىرىدە بولمايدۇ. مەسىلەن، بۇ ئادەمدە يۈرەك قېرىنچىسى ياكى يۈرەك دالانچىسىدە كەمتۈكلۈك بولسا، ھەمدە يۈرەك كېسىلى بولغان تەقدىردىمۇ، ئۇنى «قالقانسىمان بەز كۈچىيىش خاراكتېرلىك يۈرەك كېسىلى» دەپ ئاتاشقا بولمايدۇ.

قالقانسىمان بەز كۈچىيىش خاراكتېرلىك يۈرەك كېسىلىگە مۇناسىۋەتلىك بۇ بىلىملەرنى بىلىشكە توغرا كېلىدۇ.

كۆپچىلىكنىڭ بۇ كېسەلنى تېخىمۇ ئېنىق چۈشىنىشى ئۈچۈن، بىز بىر-بىرلەپ چۈشۈنۈپ باقايلى:

كۈندىلىك تۇرمۇشتا كىلىنىكىلىق ئىپادىسى بولسا ئەڭ ئاسان بايقىغىلى بولىدىغان، شۇنداقلا دوختۇرلارنىڭ كېسەللىككە دىياگنوز قويۇشتىكى مۇھىم ئاساسلىرىنىڭ بىرى. قالقانسىمان بەز فۇنكسىيىسى ئىشىپ كېتىش مەنبەلىك يۈرەك كېسىلىنىڭ ئاساسلىق ئىپادىلىرى: يۈرەك سېلىش، رىتىمسىز سوقۇش ۋە تۇتقاقلىق يۈرەك دالانچىسىنىڭ تالالىق تىترىشى قاتارلىقلار. بەدەن تەكشۈرگەندە يۈرەك ئۇچىنىڭ سوقۇشى كۈچىيىپ، دائىم قىسقىرىش دەۋرىدىكى شاۋقۇن ئاڭلىنىدۇ؛ قان بېسىمنىڭ قىسقىرىش بېسىمى ئۆرلەپ، كېڭىيىش بېسىمى تۆۋەنلەپ، تومۇر بېسىمىنىڭ پەرقى چوڭىيىدۇ. بۇ نۇقتىنى ياشانغانلاردىكى يۇقىرى قان بېسىمدىن پەرقلەندۈرۈش كېرەك؛ يۈرەك دالانچىسى تالالىق تىترەش ياكى قان تولۇش خاراكتېرلىك يۈرەك زەئىپلىكى ياشانغانلاردا ئەڭ كۆپ كۆرۈلىدىغان ئەگەشمە كېسەللىك بولۇپ، قالقانسىمان بەز كۈچىيىش قوشۇلۇپ كەلگەن يۈرەك دالانچىسىنىڭ تالالىق تىترىشى ئەرلەردە كۆپ كۆرۈلىدۇ، 45 ياشتىن تۆۋەنلەردە بىرقەدەر ئاز كۆرۈلىدۇ، قالقانسىمان بەز ئىقتىدارى كۈچىيىپ كېتىش كېسىلىنىڭ پەيدا بولۇش نىسبىتى يۇقىرى بولىدۇ.

تۆۋەندە بىز قالقانسىمان بەز كۈچىيىش خاراكتېرلىك يۈرەك كېسىلىنىڭ كۆپ ئۇچرايدىغان تۈرلىرىدىن قايسىلار بارلىقىنى كۆرۈپ باقايلى.

قالقانسىمان بەز فۇنكسىيەسى ئېشىپ كېتىش مەنبەلىك يۈرەك كېسىلىنىڭ كۆپ ئۇچرايدىغان تىپلىرى:

1. يۈرەك رىتىمسىزلىقى.

2. يۈرەك كېڭىيىش.

3. يۈرەك زەئىپلىكى.

قالقانسىمان بەز بىلەن يۈرەكنىڭ مۇناسىۋىتى مۇشۇنداق زىچ بولغانىكەن، بىز ئەمدى يۈرەك كېسىلىنىڭ كېلىپ چىقىش مېخانىزمى ئۈستىدە توختىلىپ ئۆتەيلى:

ئالدى بىلەن، قالقانبەز فۇنكسىيىسى كۈچىيىپ كېتىش يۈرەك رىتىمسىزلىقىنى كەلتۈرۈپ چىقىرىدۇ. قالقانسىمان بەز ئىقتىدارى كۈچەيسە ۋېنا قېنىنىڭ قايتىشى كۆپىيىدۇ، چوڭ ۋېنا كىرىش ئېغىزىدىكى يۈرەك دالانچىسى مۇسكۇلى ئۇزاق مۇددەت زىيادە غىدىقلىنىپ، بىر قوزغىتىش ئوچىقى شەكىللىنىپ، دالانچە تىترەشنى پەيدا قىلىدۇ؛ قالقانسىمان بەز ھورمۇنىنىڭ يۈرەك دالانچىسىغا بولغان تەسىرى يۈرەك قېرىنچىسىغا بولغان تەسىرىگە نىسبەتەن سەزگۈر بولىدۇ؛ يۈرەك دالانچىسى مۇسكۇلى يۈرەك قېرىنچىسى مۇسكۇلىغا قارىغاندا بىرقەدەر يۇقىرى ئادرېنالىن قوبۇل قىلغۇچى تەنچىنىڭ زىچلىقىغا ئىگە بولىدۇ.

ئىككىنچىدىن، قالقانسىمان بەز كۈچىيىش يۈرەك زەئىپلىشىشنى كەلتۈرۈپ چىقىرىدۇ. قالقانسىمان بەز ھورمۇنىنىڭ يۈرەك مۇسكۇلىغا بولغان ئاكتىپ تەسىرى ۋە قالقانسىمان بەز خىزمىتى كۈچىيىپ كەتكەندە، قان ئايلىنىش مىقدارى ئېشىپ كېتىپ، يۈرەكنىڭ كۆتۈرۈش كۈچى ئېشىپ كېتىدۇ، ئۇزاق مۇددەت داۋاملاشسا، يۈرەك زەئىپلىشىشنى كەلتۈرۈپ چىقىرىدۇ. كېسەللىك جەريانى ئۇزۇن ۋە ياشانغان، تېنى ئاجىز كىشىلەردە تېخىمۇ ئاسان يۈز بېرىدۇ. پۈتۈن يۈرەك زەئىپلىشىش ياكى ئوڭ يۈرەك زەئىپلىشىش بولۇپ ئىپادىلىنىدۇ، لېكىن ئوڭ يۈرەك زەئىپلىشىش دائىم كۆرۈلىدۇ. چۈنكى، يۈرەك ئوڭ قېرىنچىسىنىڭ قىسقىراش ۋە كېڭىيىش دەۋرىدە يۈكى ئېشىپ كېتىدۇ، بۇ يۈرەك ئوڭ قېرىنچىسىنىڭ زاپاس ساقلاش ئىقتىدارى بىر قەدەر ناچار بولغانلىقىنىڭ نەتىجىسى.

ئۈچىنچى، قالقانسىمان بەز ئىقتىدارى ئىشىپ كىتىش كېسىلى يۈرەك سانجىقىنى كەلتۈرۈپ چىقىرىدۇ. قالقانبەز فۇنكسىيىسى كۈچىيىپ كەتكەندە، قالقانسىمان بەز ھورمۇنى قان ئايلىنىش مىقدارىنى ئاشۇرۇپ، يۈرەك مۇسكۇلى يوغىنايدۇ، يۈرەكنىڭ كۆتۈرۈش كۈچى ئېشىپ كېتىدۇ، يۈرەك مۇسكۇلىنىڭ ئوكسىگېن سەرپىياتى ئېشىپ كېتىدۇ، يۈرەك مۇسكۇلىنىڭ ئوكسىگېنغا بولغان تەمىنلەش بىلەن ئېھتىياج مۇناسىۋىتى نورمالسىزلىشىدۇ، شۇنداقلا يۈرەك مۇسكۇلىغا ئوكسىگېن يېتىشمىگەن چاغدىكى سۈت كىسلاتاسىنىڭ بىنورمال ئىنكاسى يۈرەك سانجىقىنى كەلتۈرۈپ چىقىرىدۇ. ئۇنىڭدىن باشقا، قالقانسىمان بەز فۇنكسىيىسى كۈچىيىپ كەتكەن بىمارلارنىڭ يۈرەك مۇسكۇلىنىڭ مېتابولىزم جەريانىدىكى ئۆزگىرىشى، يۈرەك مۇسكۇلىنىڭ ئوكسىگېن يېتىشمەسلىككە بولغان سەزگۈرلۈكى ئېشىپ كېتىش سەۋەبىدىن، ئاسانلا تاجسىمان ئارتېرىيە تارتىشىش يۈز بېرىپ، يۈرەك سانجىقىنى كەلتۈرۈپ چىقىرىدۇ.

قالقانبەز فۇنكسىيىسى كۈچىيىپ كېتىش خاراكتېرلىك يۈرەك كېسىلىنىڭ كىلىنىكىلىق ئىپادىلىرى ۋە كېسەل پەيدا بولۇش مېخانىزمىنى ئومۇملاشتۇرغاندا، دىققەت قىلىشقا تېگىشلىكى شۇكى، بىماردا قالقانسىمان بەز فۇنكسىيىسى كۈچىيىپ كېتىش كۆرۈلسە، چوقۇم يۈرەك جەھەتتىكى تەكشۈرۈش ۋە كېسەللىك تارىخىنى ئىز قوغلاشقا سەل قاراشقا بولمايدۇ. بولۇپمۇ ئوپېراتسىيە قىلىپ ناركوز قىلغاندا، ئويلاشمىغان جايلار بىخەتەرلىك يوشۇرۇن خەۋپىدىن دېرەك بېرىدۇ.