بېي خۇەيلەي گۇەنتىڭ سۇ ئامبىرى دۆلەت سۇلۇق يەر باغچىسى ئېچىلدى

خېبېي ئۆلكىسى خۇەيلەي ناھىيەسى گۇەنتىڭ سۇ ئامبىرى دۆلەت سۇلۇق يەر باغچىسى مۇزېيى(10-ئاينىڭ 18-كۈنى ئۇچقۇچىسىز ئايروپىلاندا تارتىلغان).

　　شىنخۇا تورى خەۋىرى: 10-ئاينىڭ 18-كۈنى، خېبېي ئۆلكىسى جاڭجياكوۋ شەھىرى خۇەيلەي ناھىيەسىگە جايلاشقان گۇەنتىڭ سۇ ئامبىرى دۆلەت سۇلۇق يەر باغچىسى رەسمىي ئېچىلدى. بۇ سۇلۇق يەر باغچىسى پايتەخت ئەتراپىدىكى ئالاھىدە قىممەتكە ئىگە سۇلۇق يەر بايلىقىدۇر.

　　ئىگىلىنىشىچە، باغچە قۇرۇلۇشى مەزگىلىدە، خۇەيلەي ناھىيەسى 35.4 كىۋادرات كىلومېتىر سۇلۇق يەرنى ئۇنىۋېرسال تۈزەپ، سۇلۇق يەر مۇزېيى، ساياھەتچىلەر مۇلازىمەت مەركىزى قاتارلىق 15 مىڭ كىۋادرات مېتىردىن كۆپرەك قۇرۇلۇشنى تاماملىغان، جەمئىي 2 مىليارد 174 مىليون يۈەن مەبلەغ سالغان، باغچىدا بىۋاسىتە ياكى ۋاسىتىلىك ئىشلەشكە جەلپ قىلىنغان ئەتراپتىكى ئامما 46 مىڭ ئادەم قېتىم بولۇپ، ئەتراپتىكى يېزا-كەنتلەرنىڭ بىۋاسىتە ئىقتىسادىي كىرىمى 146 مىليون يۈەنگە يېتىپ، كىشى بېشى يىللىق كىرىمى 2600 يۈەندىن كۆپرەك ئاشقان.(ۋۇ ديەنسېن فوتوسى)