شىنجاڭ كۇچا — ئاقسۇ — مارالبېشىII قايتما 750 كىلوۋولتلۇق توك يەتكۈزۈش-بېسىم ئۆزگەرتىش لىنىيەسى ئاقسۇ دەرياسىدىن ھالقىپ ئۆتىدۇ(10-ئاينىڭ 20-كۈنى ئۇچقۇچىسىز ئايروپىلاندا تارتىلغان).
شىنخۇا تورى خەۋىرى: شىنجاڭ كۇچا — ئاقسۇ — مارالبېشىII قايتما 750 كىلوۋولتلۇق توك يەتكۈزۈش-بېسىم ئۆزگەرتىش قۇرۇلۇشىنى بۇ يىل 11-ئايدا ئىشقا كىرىشتۈرۈش پىلانلانغان. ھازىر، لىنىيە قۇرۇلۇشىنىڭ كۇچادىن ئاقسۇغىچە بولغان بۆلىكىدە قۇرۇلۇش پۈتۈپ، تەكشۈرۈپ ئۆتكۈزۈۋېلىش باسقۇچىغا كىردى، ئاقسۇدىن مارالبېشىغىچە بولغان بۆلىكىنىڭ ئۆتكەلگە ھۇجۇم قىلىش قۇرۇلۇشىدا، مۇنار تىكلەش، سىم تارتىش قاتارلىق تۈرلۈك قۇرۇلۇش تەرتىپى جىددىي ئالغا سىلجىتىلماقتا. بۇ قۇرۇلۇشنىڭ يېڭىدىن قۇرۇلۇۋاتقان لىنىيەسىنىڭ ئومۇمىي ئۇزۇنلۇقى 483.4 كىلومېتىر بولۇپ، قۇملۇق، چۆللۈك، ئېگىز تاغ قاتارلىق مۇرەككەپ يەر شەكلىنى كېسىپ ئۆتىدۇ. قۇرۇلۇش تاماملىنىپ ئىشقا كىرىشتۈرۈلگەندىن كېيىن، جەنۇبىي شىنجاڭنىڭ تەرەققىياتىنى چەكلەپ تۇرۇۋاتقان ئېنېرگىيە قىس بولۇش ھالىتىنى ھەل قىلىشتا مۇھىم ئەھمىيەتكە ئىگە بولۇپ، جەنۇبىي شىنجاڭ ئېلېكتىر تورى سىستېمىسىنىڭ توك بىلەن تەمىنلەشتىكى مۇقىملىقىنى يەنىمۇ ئاشۇرۇپ، يەرلىكنىڭ ئىقتىساد، جەمئىيەت تەرەققىياتىغا تۈرتكە بولىدۇ(خۇ خۇخۇ فوتوسى).
