شاھرۇھ خان يېڭى فىلىمىنى سۈرەتكە ئېلشقا باشلىدى

شاھرۇھ خاننىڭ ئالدىنقى فىلىمى «نۆل» 2018-يىلىنىڭ ئاخىرى قويۇلغان، ئەپسۇسلىنارلىقى بۇ فىلىم قوش مەغلۇپ بولغان، شۇنىڭدىن كېيىن شاھرۇھ خان كۆپرەك سېنارىيە كۆرۈش ۋە ئائىلىسىدىكىلەرگە كۆپرەك ھەمراھ بولۇشنى قارار قىلغان. بۇ ئىككى يىلدا ئۇنىڭ كېينكى فىلىمى توغرۇلۇق نۇرغۇن ئۆسەك سۆزلەر پەيدا بولدى. ئاخىرىدا شاھرۇھ خان ئۆزىنىڭ كېينكى فىلىمىنىڭ سىدارى ئاناندنىڭ «Pathan» بولىدىغانلىقىنى ئېلان قىلىپ بۇ پەرەزلەرنى ئاخىرلاشتۇرغان. شاھرۇھ خان ئۆتكەن ئاينىڭ ئوتتۇرىلىرىدىن باشلاپ بومبايدا بۇ فىلىمنى سۈرەتكە ئېلىشقا باشلىغان، 30-نويابىر ماراقچى مۇخبىرلار بومبايدىكى بىر ئىستۇدىيەدە ئۇنى سۈرەتكە تارتىۋالدى.

سۈرەتتىن ئۇنىڭ چېچىنىڭ ئۇزۇن ئىكەنلىكىنى كۆرگىلى بولىدۇ، گەرچە شاھرۇھ خاننىڭ بۇ فىلىمدىكى رەسمىي ئوبرازى تېخى ئېلان قىلىنمىغان بولسىمۇ لېكىن بۇ سۈرەتلەر شاھرۇھ خاننىڭ بۇ فىلىمىدىكى رولىنىڭ ئۇزۇن چاچلىق بولىدىغانلىقى توغرىسىدىكى پەرەزنىڭ توغرا ئىكەنلىكىنى ئىسپاتلىدى.

ياش راج شىركىتىنىڭ بۇ فىلىمىدە يەنە دېپىكا پادۇكون ۋە جون ئابراھام رول ئالىدۇ. فىلىمدە شاھرۇھ خان بىلەن جون ئابراھام رىقابەتچى بولۇپ چىقىدۇ، دېپىكا پادۇكون مۇھىم رول ئالىدۇ. ئىگەللىنىشىچە سالمان خان فىلىمدە مېھمان رول ئالىدىكەن.

بۇ كىنودىن باشقا شاھرۇھ خان يەنە راجكۇمار ھىرانى(«ئۈچ ئەخمەق»، «پ ك»نىڭ رېژىسسورى)نىڭ كېيىنكى كىنوسىنى ئىشلەيدۇ. يەنە ئايان مۇكەرجىنىڭ يېڭى فىلىمى «Brahmastra» ۋە ئامىر خاننىڭ يېڭى فىلىمى «چادخا بولۇمسىزمۇ؟»دا مېھمان رول ئالىدۇ.