چېمپىيونلۇق بىرلەشمىسى تارىخىدا توپ كىرگۈزۈش ئۈنۈمى ئەڭ يۇقىرى توپچىلار

تاراتقۇلار يېقىندا ياۋروپا چېمپىيونلۇق بىرلەشمىسى تارىخىدىكى توپ كىرگۈزۈش ئۈنۈمى ئەڭ يۇقىرى توپچىلارنى تىزىپ چىققان بولۇپ، دورتمۇند ھۇجۇمچىسى خالاند ھەر مەيداندا 1.33 توپ كىرگۈزۈشتەك قالتىس ئۈنۈمى بىلەن 1-ئورۇندا تۇرغان، تەپسىلىي ئەھۋالى تۆۋەندىكىچە:

1. خالاند: سالزبۇرگ ۋە دورتمۇندقا ۋاكالىتەن ھازىرغىچە 12 مەيدان مۇسابىقىدە 16 توپ كىرگۈزگەن، ھەر مەيداندا ئوتتۇرىچە 1.33 توپ.

2. خاررى كېن: توتېنھامغا ۋاكالىتەن ھازىرغىچە 24 مەيدان مۇسابىقىدە 20 توپ كىرگۈزگەن، ھەر مەيداندا ئوتتۇرىچە 0.83 توپ.

3. مېسسى: بارسېلوناغا ۋاكالىتەن ھازىرغىچە 146 مەيدان مۇسابىقىدە 118 توپ كىرگۈزگەن، ھەر مەيداندا ئوتتۇرىچە 0.81 توپ.

4. رۇفېر: كەسپىي ھاياتىدا 10 مەيدان مۇسابىقىدە سەككىز توپ كىرگۈزگەن، ھەر مەيداندا ئوتتۇرىچە 0.80 توپ.

5. ۋان نىستېلرول: كەسپىي ھاياتىدا مانچېستېر بىرلەشمىسى، خانلىق مادرىد قاتارلىقلارغا ۋاكالىتەن 73 مەيدان مۇسابىقىدە 56 توپ كىرگۈزگەن، ھەر مەيداندا ئوتتۇرىچە 0.77 توپ.

6. كرىستيانو رونالدو: مانچېستېر بىرلەشمىسى، خانلىق مادرىد ۋە يۇۋېنتۇسقا ۋاكالىتەن ھازىرغىچە 172 مەيدان مۇسابىقىدە 131 توپ كىرگۈزگەن، ھەر مەيداندا ئوتتۇرىچە 0.76 توپ.

7. لېۋاندوۋىسكى: دورتمۇند ۋە بايرېن مىيۇنىېنغا ۋاكالىتەن ھازىرغىچە 94 مەيدان مۇسابىقىدە 71 توپ كىرگۈزگەن، ھەر مەيداندا ئوتتۇرىچە 0.76 توپ.

8. بېن يېددېر: كەسپىي ھاياتىدا سېۋىللاغا ۋاكالىتەن 14 مەيدان مۇسابىقىدە 10 توپ كىرگۈزگەن، ھەر مەيداندا ئوتتۇرىچە 0.71 توپ.

9. سولدادو: كەسپىي ھاياتىدا خانلىق مادرىد ۋە ۋالېنسىيەگە ۋاكالىتەن 23 مەيدان مۇسابىقىدە 16 توپ كىرگۈزگەن، ھەر مەيداندا ئوتتۇرىچە 0.70 توپ.

10. ئىكاردى: ھازىرغىچە خەلقئارا مىلان ۋە پارىژ سانت گېرمانغا ۋاكالىتەن 13 مەيدان مۇسابىقىدە توققۇز توپ كىرگۈزگەن، ھەر مەيداندا ئوتتۇرىچە 0.69 توپ.