新闻详情

23 ئادەم قازا قىلدى!

发表时间:2020-12-07 12:36作者:ئەلكۈيى تورى来源:中国维吾尔语广播CNR



مۇخبىرنىڭ چۇڭچىڭ شەھىرى يۇڭچۇەن رايونى دىياۋشۈيدۇڭ كۆمۈر كېنىدىكى بىخەتەرلىك ۋەقەسىدىن جىددىي قۇتقۇزۇش قوماندانلىق ئىشتابىدىن ئىگىلىشىچە، بۈگۈن سائەت 7 گىچە، بىر ئادەم مۇۋەپپەقىيەتلىك قۇتقۇزۇپ چىقىلغان، 23 ئادەم قازا قىلغان.

12-ئاينىڭ 4-كۈنى سائەت 17 ئەتراپىدا، چۇڭچىڭ شەھىرى يۇڭچۇەن رايونىدا ئىشلەپچىقىرىشنى توختىتىپ، ئىككى ئايدىن ئارتۇق تاقىلىپ قالغان ئاسما سۇ ئۆڭكۈرى كۆمۈر كېنىدا، كارخانا قۇدۇق ئاستىدىكى ئۈسكۈنىلەرنى ئۆز ئالدىغا چۇۋۇۋەتكەنلىكتىن، كاربون چالا ئوكسىدى چەكتىن ئېشىپ كېتىش ھادىسىسى يۈز بېرىپ، 24 ئادەم قۇدۇق ئاستىدا قاپسىلىپ قالغان. ۋەقە يۈز بەرگەندىن كېيىن، شەھەرلىك پارتكوم، شەھەرلىك ھۆكۈمەت بىرىنچى بولۇپ شەھەر، رايون ئىككى دەرىجىلىك قۇتقۇزۇش قوشۇنىنى جىددىي قۇتقۇزۇشقا تەشكىللىگەن. جىددىي ئەھۋالغا تاقابىل تۇرۇش، ئوت ئۆچۈرۈش قاتارلىق تارماقلار 30 سائەت پۈتۈن كۈچ بىلەن قۇتقۇزغان بولسمۇ قاپسىلىپ قالغان 24 ئادەمدىن بىر ھايات قالغۇچى قۇتقۇزۇۋېلىنغان، قالغان 23 ئادەم قازا قىلغان. نۆۋەتتە، ئاخىرەتلىك ئىشلارنى بىر تەرەپ قىلىش خىزمىتى تەرتىپلىك قانات يايدۇرۇلماقتا، ۋەقەنىڭ سەۋەبى يەنىمۇ تەكشۈرۈلمەكتە.

分享到: