تەنتەن ئابۇنىتى 400 مىليوندىن ئاشتى، ئاياللار ئالدىنقى ئورۇندا!

2020-يىلىدىكى WISE يېڭى ئىقتىساد ساھەسى يىغىنىدا، تەنتەن (探探)نىڭ بىرلەشمە قۇرغۇچىسى پەن يىڭ نۇتقىدا مۇنۇلارنى بىلدۈردى: 2020-يىلى 12-ئايغىچە، تەنتەندە تىزىمغا ئالدۇرغان ئابۇنىتلار 400 مىليوندىن ئېشىپ، 20 مىليارد قېتىمدىن ئارتۇق ئۆزئارا دوسلىشىش ئىشقا ئاشۇرۇلدى.

پەن يىڭ مۇنۇلارنى بىلدۈردى: «ئەر-ئايال ئابۇنىتلارنىڭ تەپەككۇرىدىكى پەرقنى قانداق تەڭپۇڭلاشتۇرۇش، قانداق قىلىپ تېخنىكا ئارقىلىق دوست تۇتۇش، توردىكى ئىجتىمائىي ئالاقىنى تېخىمۇ ھەقىقىي قىلىش ئىزدىنىش دۇچ كەلگەن ئىككى چوڭ مەسىلە» شۇڭا، تەكشۈرۈش ئالدى بىلەن ئەر-ئايال ئابۇنىتلارنىڭ تەپەككۇر پەرقىنى تەڭپۇڭلاشتۇرۇش ئارقىلىق، AI ۋە چوڭ سانلىق مەلۇمات ئانالىزىدىن پايدىلىنىپ يادرولۇق ھېسابلاش ئۇسۇلىنى ئەلالاشتۇرۇپ، بىر-بىرىنى ياقتۇرغان ئابۇنىتلارنى ئوڭۇشلۇق «ماسلاشتۇرۇش» ئىمكانىيىتىگە ئىگە قىلىدۇ. تەكشۈرۈش سانلىق مەلۇماتىدا كۆرسىتىلىشىچە، ئايال ئابۇنىتلار ھەر كۈنى ئوتتۇرا ھېساب بىلەن 300 قېتىم، ئەر ئابۇنىتلار ھەر كۈنى 200 قېتىم سىيرىيدىكەن. بۇ خىل سىيرىلىش ھەرىكىتىدە، ئايال ئابۇنىتلار ئوتتۇرا ھېساب بىلەن %6 ئادەم «ئوڭغا سىيرىشنى ياخشى كۆرىدىكەن»، ئەر ئابۇنىتلار بولسا %60 «ئوڭغا سىيرىشنى ياخشى كۆرىدىكەن». ئانالىزدا دېيىلىشىچە، ئايال ئىشلەتكۈچىلەرنىڭ ھەرىكەت ئادىتى ھېسابلاش ئۇسۇلىنى ئەلالاشتۇرۇشقا تېخىمۇ پايدىلىق بولۇپ، ئەر-ئايال ئىشلەتكۈچىلەرنىڭ ئۆزئارا ماسلىشىش ئېھتىماللىقىنى يۇقىرى كۆتۈرىدۇ. تەنتەن بىر مەزگىل ئاياللار ئۈچۈن ئەڭ ئالقىشقا ئېرىشكەن ئىجتىمائىي ئالاقە يۇمشاق دېتالى دەپ ئاتالغان. ئىزدىنىش جەھەتتە، ئايال ئىشلەتكۈچىلەر ئۆزىنىڭ خاھىشى بويىچە ئىجتىمائىي ئالاقە باغلىماقچى بولغان يات جىنىسلارنى تاللىسا بولىدۇ، رېئال تۇرمۇشتا ئالدى بىلەن كۆڭۈل ئىزھار قىلىشنى ئويلاشمىسىمۇ بولىدۇ.