چېلسى 3:1 مانچېستېر شەھىرى

بېيجىڭ ۋاقتى 1-ئاينىڭ 4-كۈنى سەھەر سائەت 0:30دا، 2020/2021-يىللىق مۇسابىقە پەسلى، ئېنگلاند ئالىي بىرلەشمىسىنىڭ 17-ئايلانمىسىدىكى بىر مەيدان كۈچلۈكلەر ئۇچرىشىشى ستامفورد كۆۋرۈكى توپ مەيدانىدا ئۆتكۈزۈلدى، چېلسى كوماندىسى ساھىبخان مەيداندا مانچېستېر شەھىرى بىلەن مۇسابىقىگە چۈشتى، ئالدىنقى يېرىم مەيدان مۇسابىقىدە، مانچېستېر شەھىرىدىن گۇندوغان بىر توپ كىرگۈزۈپ، مەيدان نەتىجىسىدە ئۈستۈنلۈكنى قولغا كەلتۈردى، كەينىدىن فودېن بىلەن دېبرۇينى بىردىن توپ كىرگۈزۈپ، نومۇر پەرقىنى چوڭايتتى، ئالدىنقى يېرىم مەيدان مۇسابىقە مانچېستېر شەھىرىنىڭ ئۈچ توپ ئۈستۈنلۈكتە تۇرۇشى بىلەن ئاخىرلاشتى، كېيىنكى يېرىم مەيدان مۇسابىقىدە مانچېستېر شەھىرىدىن رودرىنىڭ يېقىن ئارىلىقتىن ئۈسكەن كاللا توپىنى قاپقىچى توسۇپ چىقىرىۋەتتى، مۇسابىقە ئاخىرلىشىش باسقۇچىدا چېلسىدىن ئودوي بىر توپ كىرگۈزۈپ، نومۇر پەرقىنى كىچىكلەتتى، كېيىنكى مىنۇتلاردا مەيدان نەتىجىسىدە ھېچقانداق ئۆزگىرىش بولمىدى، ئاخىرىدا مانچېستېر شەھىرى مېھمان مەيداندا 1:3 نەتىجىدە چېلسى كوماندىسىنى مەغلۇپ قىلدى.

مۇسابىقە باشلىنىپلا ساھىبخان مەيداندىكى چېلسى ئالدى بىلەن ھۇجۇمغا ئۆتتى، زىيېخنىڭ تەپكەن ئىختىيارى توپى توساقتىن ئۆتەلمىدى، مانچېستېر شەھىرى ھۇجۇم تەشكىللەپ، دېبرۇينېنىڭ تەپكەن توپى ئازراقلا قېيىپ كەتتى، مۇسابىقە باشلىنىپ 17 مىنۇت بولغاندا، مانچېستېر شەھىرى بىر توپ كىرگۈزۈپ، مەيدان نەتىجىسىدە ئۈستۈنلۈكنى قولغا كەلتۈردى، مانچېستېر شەھىرى ھۇجۇم تەشكىللەپ، فودېننىڭ پاس بېرىشى بىلەن گۇندوغان چەكلەنگەن رايون سىزىقى ئۈستىدە توپنى قاپقىغا تېپىپ كىرگۈزدى، ئارىدىن ئۈچ مىنۇت ئۆتكەندە مانچېستېر شەھىرى يەنە بىر توپ كىرگۈزۈپ، نومۇر پەرقىنى چوڭايتتى، مانچېستېر شەھىرى ھۇجۇم تەشكىللەپ، دېبرۇينېنىڭ سول تەرەپتىن پاس بېرىشى بىلەن فودېن قاپقا ئالدىدا توپنى قاپقىغا تېپىپ كىرگۈزدى، مۇسابىقە داۋاملىشىپ 34 مىنۇتقا قەدەم قويغاندا، مانچېستېر شەھىرى يەنە بىر توپ كىرگۈزۈپ، نومۇر پەرقىنى تېخىمۇ چوڭايتتى، مانچېستېر شەھىرى ھۇجۇم تەشكىللەپ، ستېرلىڭنىڭ تەپكەن توپى قاپقا تۆمۈرىگە تەگدى، دېبرۇينې قايتقان توپنى قاپقىغا تېپىپ كىرگۈزدى، ئالدىنقى يېرىم مەيدان مۇسابىقە مانچېستېر شەھىرىنىڭ ئۈچ توپ ئۈستۈنلۈكتە تۇرۇشى بىلەن ئاخىرلاشتى.

كېيىنكى يېرىم مەيدان مۇسابىقە باشلىنىپ، مانچېستېر شەھىرى ئالدى بىلەن ھۇجۇمغا ئۆتتى، دېبرۇينېنىڭ تەپكەن توپىنى قاپقىچى تۇتۇۋالدى، رودرىنىڭ يېقىن ئارىلىقتىن ئۈسكەن كاللا توپىنى قاپقىچى توسۇپ چىقىرىۋەتتى، چېلسى كوماندىسىدىن پۇلىسىچنىڭ ئۈسكەن كاللا توپى ياندىن چىقىپ كەتتى، مۇسابىقە ئاخىرلىشىش باسقۇچىدا چېلسى بىر توپ كىرگۈزۈپ،نومۇر پەرقىنى كىچىكلەتتى، چېلسى ھۇجۇم تەشكىللەپ، خاۋېرتزنىڭ سول تەرەپتىن پاس بېرىشى بىلەن ئودوي قاپقا ئالدىدا توپنى قاپقىغا تېپىپ كىرگۈزدى، كېيىنكى مىنۇتلاردا مەيدان نەتىجىسىدە ھېچقانداق ئۆزگىرىش بولمىدى، ئاخىرىدا مانچېستېر شەھىرى مېھمان مەيداندا 1:3 نەتىجىدە چېلسى كوماندىسىنى مەغلۇپ قىلىپ، بىرلەشمە رەت تەرتىپىدە بەشىنچى ئورۇنغا ئۆرلىدى.