新闻详情

تىرامپ: قاتناشمايمەن! بايدېن: ياخشى ئىش

发表时间:2021-01-09 10:32作者:ئەلكۈيى تورى来源:سىنا تورى

640-24.gif640-59.png




تىرامپنىڭ بايدېننىڭ ۋەزىپىگە ئولتۇرۇش مۇراسىمىغا قاتناشمايدىغانلىقىغا قارىتا بايدېن جاۋاب قايتۇرۇپ: «ئۇنىڭ قاتناشماسلىقى ياخشى ئىش» دېدى. فىرانسىيە ئاخبارات ئاگېنتلىقىنىڭ خەۋىرىگە ئاساسلانغاندا، ئامېرىكىنىڭ يېڭىدىن سايلانغان زۇڭتۇڭى بايدېن 8-يانۋار تىرامپنىڭ «1-ئاينىڭ 20-كۈنىدىكى بايدېننىڭ ۋەزىپىگە ئولتۇرۇش مۇراسىمىغا قاتناشمايمەن» دېگەن ئىشىغا ئىنكاس قايتۇرۇپ «بۇ ياخشى ئىش» دېگەن.

بايدېن: «بۇ مەن ۋە تىرامپ ئاز دېگەندىمۇ ئورتاق تونۇش ھاسىل قىلالايدىغان ئىشلارنىڭ بىرى، ئۇنىڭ قاتناشماسلىقى ياخشى ئىش» دېدى. خەۋەردە دېيىلىشىچە، بايدېن يەنە: «ئۇنىڭ قىلمىشلىرى ھەتتا مېنىڭ ئۇنىڭغا بولغان ئەڭ ناچار قارىشىمدىن ئېشىپ كەتتى، ئۇ ئامېرىكا تارىخىدىكى ئەڭ لاياقەتسىز زۇڭتۇڭلارنىڭ بىرى» دېدى.


ئامېرىكا زۇڭتۇڭى تىرامپ 8-يانۋار ئۆتكۈزۈلىدىغان يېڭىدىن سايلانغان زۇڭتۇڭ بايدېننىڭ ۋەزىپىگە ئولتۇرۇش مۇراسىمىغا قاتناشمايدىغانلىقىنى بىلدۈردى.

تىرامپ شۇ كۈنى ئىجتىمائىي ئالاقە تاراتقۇسىدا ماقالە ئېلان قىلىپ، ئۆزىنىڭ 1-ئاينىڭ 20-كۈنى ئۆتكۈزۈلىدىغان بايدېننىڭ ۋەزىپىگە ئولتۇرۇش مۇراسىمىغا قاتناشمايدىغانلىقىنى ئېنىق بىلدۈردى. تىرامپنىڭ بۇ ھەرىكىتى ئامېرىكىنىڭ تارىخىي ئەنئەنىسىنى بۇزۇپ تاشلاپ، ئۇنى 150 يىلدىن بۇيان زۇڭتۇڭلۇق ۋەزىپىسىنى ئۆتكۈزۈپ بېرىش مۇراسىمىغا قاتناشمىغان تۇنجى زۇڭتۇڭغا ئايلاندۇرىدۇ.
قائىدە بويىچە ئامېرىكىنىڭ ھازىرقى زۇڭتۇڭى زۇڭتۇڭلۇق ۋەزىپىسىنى ئۆتكۈزۈپ بېرىدىغان كۈنى ئەتىگەندە يېڭىدىن ۋەزىپىگە ئولتۇرغان زۇڭتۇڭنى ئاقسارايغا تەكلىپ قىلىدۇ، ئارقىدىن ئىككىسى بىر ماشىنىغا ئولتۇرۇپ پارلامېنتقا بېرىپ ۋەزىپىگە ئولتۇرۇش مۇراسىمىغا قاتنىشىدۇ. ئامېرىكا تارىخىدا پەقەت ئۈچ قېتىم ھازىرقى زۇڭتۇڭ ۋەزىپە ئۆتىگۈچىنىڭ ۋەزىپىگە ئولتۇرۇش مۇراسىمىغا قاتناشمىغان ئەھۋال يۈز بەرگەن، لېكىن ھەممىسى 19-ئەسىردە يۈز بەرگەن.
ئامېرىكا تاراتقۇلىرىنىڭ خەۋىرىگە قارىغاندا، ئەگەر رەسمىي تەكلىپ قىلىنسا، مۇئاۋىن زۇڭتۇڭ پېنس بايدېننىڭ ۋەزىپىگە ئولتۇرۇش مۇراسىمىغا قاتنىشىشى مۇمكىن ئىكەن. ئامېرىكىنىڭ سابىق زۇڭتۇڭى ئوباما، كىچىك بۇش ۋە كلىنتونلار يىغىنغا قاتنىشىشنى پىلانلىدى.
ئامېرىكا شەرقىي قىسىم ۋاقتى 7-چېسلا سەھەردە، ئامېرىكا پارلامېنتىنىڭ بىرلەشمە يىغىنى بايدېننىڭ 306 بېلەتكە ئېرىشىپ، كېيىنكى نۆۋەتلىك ئامېرىكا زۇڭتۇڭلۇقىغا سايلانغانلىقىنى رەسمىي مۇئەييەنلەشتۈردى. تىرامپ ئارقىدىن بايانات ئېلان قىلىپ، ھاكىمىيەتنى ئۆتكۈزۈپ بېرىش ـ ئۆتكۈزۈۋېلىشنىڭ تەرتىپلىك ئېلىپ بېرىلىدىغانلىقى توغرىسىدا ۋەدە بەردى.


بايدېن تىرامپنىڭ ۋەزىپىگە ئولتۇرۇش مۇراسىمىغا قاتناشمايدىغانلىقىغا ئىنكاس قايتۇرۇپ مۇنداق دېدى: ئۇ دۆلىتىمىزنى ئوسال ئەھۋالغا چۈشۈرۈپ قويدى، شۇڭا ئۇنىڭ مۇراسىمغا قاتناشماسلىقى ياخشى ئىش.
CNN8 نىڭ خەۋىرىگە ئاساسلانغاندا، تىرامپنىڭ باياناتىغا قارىتا بايدېن ئىنكاس قايتۇرۇپ، تىرامپنىڭ كەلمەسلىكى ياخشى ئىش، دېگەن.
بايدېن يەنە تىرامپنى ئەيىبلەپ: «ئۇ بۇ دۆلەتنى ئوڭايسىز ئەھۋالغا چۈشۈرۈپ قويدى، بىزنى دۇنيا مىقياسىدا ئوڭايسىز ئەھۋالغا چۈشۈرۈپ قويدى. ئۇ بۇ ۋەزىپىنى ئۈستىگە ئېلىشقا ماس كەلمەيدۇ». بۇنىڭدىن باشقا، بايدېن يەنە مۇئاۋىن زۇڭتۇڭ پېنسنىڭ ئۆزىنىڭ ۋەزىپىگە ئولتۇرۇش مۇراسىمىغا قاتنىشىدىغانلىقىدىن ناھايىتى خۇشال بولغانلىقىنى بىلدۈردى.

分享到: