新闻详情

پارلامېنت بىناسى ئەتراپىغا ئوت كەتتى

发表时间:2021-01-20 16:41作者:ئەلكۈيى来源:uycnr

640-24.gif

640-59.png





ئامېرىكىنىڭ يېڭى بىر نۆۋەتلىك زۇڭتۇڭىنىڭ ۋەزىپىگە ئولتۇرۇش مۇراسىمىنىڭ يېقىنلىشىشىغا ئەگىشىپ، ئامېرىكا پايتەختى ۋاشىنگتون ئۇدا نەچچە كۈن يۈكسەك ئېھتىيات ھالىتىدە تۇردى، ئامانلىق ساقلاش خىزمىتى كۈچەيتىلدى، پارلامېنت بىناسى قاتارلىق فېدېراتسىيە ئاپپاراتلىرى مۇداپىئەلىنىدىغان يادرولۇق رايون بولۇپ قالدى. 18-چېسلا ۋاشىنگتوندىكى پارلامېنت بىناسى ئەتراپىدا ئوت ئاپىتى يۈز بېرىپ، پارلامېنت بىناسىنىڭ ئاگاھلاندۇرۇشى قوزغىلىپ، زۇڭتۇڭنىڭ ۋەزىپىگە ئولتۇرۇش مۇراسىمىنىڭ رەپىتىسى ئەمەلدىن قالدۇرۇلدى.

18-كۈنى ئامېرىكا پايتەختى ۋاشىنگتون ئالاھىدە رايونى پارلامېنت بىناسى ئەتراپىدا ئوت ئاپىتى يۈز بېرىپ، پارلامېنت بىناسى ۋە ئۇنىڭغا قوشنا بولغان كېڭەش، ئاۋام پالاتالىرىنىڭ ئىشخانا بىناسى ۋاقىتلىق قامال قىلىندى. ئوت ئاپىتى يۈز بەرگەندىن كېيىن، پارلامېنت ساقچى تەرەپ بىنا ئىچىدىكى خىزمەتچى خادىملارنى تاشقى بىخەتەرلىك تەھدىتىگە ئۇچرىغانلىقتىن بىنادىن ئايرىلماسلىققا ھەمدە دېرىزىدىن يىراقلىشىشقا ئاگاھلاندۇردى.

ئامېرىكا بىرلەشمە ئاگېنتلىقىنىڭ خەۋىرىگە قارىغاندا، پارلامېنت بىناسى قامال قىلىنغان چاغدا زۇڭتۇڭنىڭ ۋەزىپىگە ئولتۇرۇش مۇراسىمى رەپىتىس قىلىنىۋاتقان بولۇپ، رەپىتىس شۇنىڭ بىلەن ئەمەلدىن قالدۇرۇلغان، بىنانىڭ غەرب تەرىپىدىكى ۋەزىپىگە ئولتۇرۇش مۇراسىمىغا قاتنىشىدىغان خادىملار نەق مەيداندىن چېكىنگەن. ئىگىلىنىشىچە، بايدېن شۇ كۈنى رەپىتىس قىلىشقا قاتناشمىغان.

ۋاشىنگتوندىكى ئوت ئۆچۈرۈش ئەمەلدارى ۋە ساقچى تەرەپنىڭ بىلدۈرۈشىچە، بۇ ئوت ئاپىتى پارلامېنت بىناسىدىن 1.6 كىلومېتىر يىراقلىقتىكى سەرگەردانلار لاگېرىدا يۈز بەرگەن بولۇپ، سەرگەردانلار ئوت قالىغانلىقتىن كېلىپ چىققان ئىكەن. ئوت ناھايىتى تېزلا ئۆچۈرۈۋېلىندى، ئۆلۈش، يارىلىنىش ئەھۋالى كۆرۈلمىدى، پارلامېنت بىناسى بىردەمدىن كېيىن قامال قىلىشنى بىكار قىلىپ، نورمال يۈرۈشۈشنى ئەسلىگە كەلتۈردى. زۇڭتۇڭنىڭ ۋەزىپىگە ئولتۇرۇش مۇراسىمىنىڭ بىخەتەرلىكىنى قوغداش خىزمىتىگە مەسئۇل ئامېرىكا ئالاھىدە خادىملار باشقارمىسى بۇ ئىش ئاممىغا تەھدىت پەيدا قىلمىدى، دېدى.

تۈگىدى.png


来源:爱酷艺

监制:麦麦提江

审稿:阿米娜

稿子:乃扎尔

制作:张伟



分享到: